جامبىل وبلىسىندا اپاتقا ۇشىراعان ۇشاقتا وپات بولعانداردىڭ اتى- جوندەرى انىقتالدى

«ۇشاق بورتىندا جەتى ادام بولعان، ولاردىڭ تورتەۋى - «قازاق مىس» كورپوراتسياسى» ج ش س- ءنىڭ قىزمەتكەرلەرى، ال ۇشەۋى - ەكيپاج مۇشەلەرى.

«قازاق مىس» كورپوراتسياسىنىڭ ءۇش قىزمەتكەرى: تەحنيكالىق دامۋ دەپارتامەنتىنىڭ ديرەكتورى گ. ت. تولەۋبايەۆ، «بالقاش ءتۇستى مەت» ءو ب- ءنىڭ باس مەحانيگى ە. ب. يبرايەۆ، «بالقاش ءتۇستى مەت» ءو ب- ءنىڭ تەحنيكالىق جانە ينۆەستيتسيالىق جوسپارلاۋ ءبولىمىنىڭ باستىعى ۋ. ح. ەسماعانبەتوۆ اپات ورنىندا كوز جۇمدى، ال «بالقاش ءتۇستى مەت» ءو ب- ءنىڭ باس گەولوگى ءا. ا. شاياحمەتوۆا اۋرۋحاناعا جەتكىزىلدى»، دەلىنگەن مالىمدەمەدە.

قازىرگى كەزدە وقيعانىڭ ءمان- جايىن انىقتاۋ ءۇشىن ارنايى كوميسسيا جۇمىس جاساۋدا.

 «قازاق مىس» كورپوراتسياسى قازا تاپقان جانداردىڭ وتباسىلارى مەن تۋعان- تۋىستارىنا قايعىرىپ كوڭىل ايتادى.

كومپانيانىڭ مالىمەتىنشە، اپاتقا ۇشىراعان اۋە كولىگى بالقاش- شاتىركول كەن ورنى باعىتى بويىنشا ۇشىپ كەلە جاتقان. 12 ورىندىق ان-2 ۇشاعى قاراعاندى قالاسىنداعى «وليمپ- ەير» كومپانياسىنىڭ يەلىگىندە بولعان. اپات 20 قاڭتار كۇنى ساعات 15:40-تا جامبىل وبلىسىنىڭ شۋ اۋدانىندا، تولە بي اۋىلىنان شىعىسقا قاراي 45 شاقىرىم جەردە ورىن الدى. الدىن الا جاسالعان بولجام بويىنشا، ۇشاق قونۋعا تاياعاندا قالىڭ تۇمان سالدارىنان جەرگە سوعىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى