قازاق ونەرىنىڭ ساڭلاقتارى: ومىربەك بورانبايەۆ

 1973 -جىلى قۇرمانعازى اتىنداعى قازاقتىڭ مەملەكەتتىك ونەر ينستيتۋتىنىڭ تەاتر فاكۋلتەتىن بىتىرگەن. سودان سوڭ قازاقستان ل ك ج و ورتالىق كوميتەتىندە، قازاقستان رەسپۋبليكاسى مادەنيەت مينيسترلىگىندە جاۋاپتى قىزمەتتەر اتقارىل، 1985 - 1995 -جىلدارى رەسپۋبليكالىق ەسترادا- سيرك ۋچيليشەسىنىڭ ديرەكتورى بولدى. 1978 -جىلى «جالىن» باسپاسىنان «ءورىمتال» اتتى اڭگىمەلەر جيناعى جارىق كوردى.

دراماتۋرگ رەتىندە «وڭ جامباس.. .» (كومەديا) ، «دىمىڭ ىشىڭدە بولسىن» (كومەديا) ، «بارىنەن كۇشتى - قورقاق كوجەك» (ەرتەگى) ، «حان يەم، ايكۇن مەن تازشا بالا» (مۋزىكالى قويىلىم) ، «قاڭباق شال» (ەرتەگى) ، «سوتانايدىڭ سوڭعى ۇيلەنۋى» (ۆوديەۆيل) ، «ءبىزدىڭ اۋىلدىڭ كوكتەمى» (دراما) ، «شاۋكەن» (كومەديا) ، «كوك ءبورى» (ميستيكالىق دراما) ، «دۇنيە جالعان» (فارس) سياقتى ەكى اكتىلى پەسالار جازعان. ءبۇل شىعارمالاردىڭ بارلىعى رەسپۋبليكا تەاترلارىندا ساحنالانعان. شىعارمالارى: پروزاسى «ءورىمتال» اڭگىمەلەر جيناعى (1978)؛ پەسالارى: «دىمىڭ ىشىندە بولسىن» ، «وڭ جامباس» ، «بارىنەن كۇشتى قورقاق كوجەك» ، «سوتانايدىڭ سوڭعى ۇيلەنۋى» ، «حان يەم» ، «ايكۇن جانە تازشا بالا» ، «بارعا بارساڭ، بايقاپ بار» ت. ب. اۋەزوۆتىڭ «ەڭلىك- كەبەك» سپەكتاكلىندە جاپالدىڭ، ع. مۇسىرەپوۆتىڭ «قوزى كورپەش - بايان سۇلۋ» دراماسىندا جانتىق رولدەرىندە، ب. ءمايليننىڭ «جالبىر» سپەكتاكلىندە قوسالقى رولدە، اۋەزوۆتىڭ«قاراگوزىندە» بيلەر ساحناسىندا وينادى.

قازاقستان رەسپۋبليكاسى ۇلتتىق «استانا- بايتەرەك» كونكۋرستارىنىڭ لاۋرەاتى (2003, 2007) ، ورتا ازيا جاڭا پەسالارى فەستيۆالىنىڭ سەرتيفيكات يەگەرى (2006) ، قازاقستان رەسپۋبليكاسىنىڭ مەملەكەتتىك گرانت يەگەرى (2007) ، قازاقستان اۆتورلار قوعامىنىڭ دراماتۋرگيا سالاسىنىڭ لاۋرەاتى (2008) . 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى