جامبىلدىق قۇتقارۋشىلار ۇشاق اپاتىنان ءتىرى قالعان ايەلدىڭ حال- جاعدايى تۋرالى حاباردار ەتتى
«قازىر زارداپ شەگۋشى اۋىر كۇيدە اپات بولعان جەردەن 60 شاقىرىم قاشىقتىقتاعى شۋ قالاسىندا ورتالىق اۋداندىق اۋرۋحانانىڭ جانساقتاۋ بولىمىندە جاتىر. ونىڭ اياقتارى كوپ جەرىنەن سىنىپ، ونداعان جاراقاتتار العان»، - دەدى قازاقپارات اگەنتتىگىنىڭ تىلشىسىنە جامبىل وبلىستىق ت ج دەپارتامەنتىنىڭ باستىعى مىندەتىن اتقارۋشى باعدات دانيلوۆ.
29 جاستاعى اسەم شاياحمەتوۆا «قازاق مىس» كورپوراتسياسىنا تيەسىلى «بالقاش تۇستى مەت» ءو ب- ءنىڭ باس گەولوگى بولىپ قىزمەت اتقارادى.
«الدىن الا جاسالعان بولجام بويىنشا ۇشاق قونۋعا تاياعاندا قالىڭ تۇمان سالدارىنان جەرگە سوعىلعان»، دەلىنگەن حابارلامادا.
ەستەرىڭىزگە سالا كەتەيىك، 20 - قاڭتار كۇنى ساعات 15:40-تا جامبىل وبلىسىنىڭ شۋ اۋدانىندا، تولە بي اۋىلىنان شىعىسقا قاراي 45 شاقىرىم جەردە بالقاش- شاتىركول كەن ورنى باعىتى بويىنشا ۇشىپ كەلە جاتقان ا ن-2 ۇشاعىنىڭ اپاتى ورىن الدى. ونىڭ سالدارىنان «قازاق مىس» كورپوراتسياسىنىڭ ءۇش قىزمەتكەرى: تەحنيكالىق دامۋ دەپارتامەنتىنىڭ ديرەكتورى گ. ت. تولەۋبايەۆ، «بالقاش ءتۇستى مەت» ءو ب- ءنىڭ باس مەحانيگى ە. ب. يبرايەۆ، «بالقاش ءتۇستى مەت» ءو ب- ءنىڭ تەحنيكالىق جانە ينۆەستيتسيالىق جوسپارلاۋ ءبولىمىنىڭ باستىعى ۋ. ح. ەسماعانبەتوۆ اپات ورنىندا كوز جۇمدى، ال «بالقاش ءتۇستى مەت» ءو ب- ءنىڭ باس گەولوگى ءا. ا. شاياحمەتوۆا اۋرۋحاناعا جەتكىزىلدى. سونداي- اق بارلىق ەكيپاج مۇشەلەرى - ا ن-2 كومانديرى ۆ. گ. كليۋشيەۆ، ەكىنشى ۇشقىش ۆ. پ. ساۆەليەۆ جانە بورت مەحانيگى ۆ. ي. ليتۆينوۆ قازا تاپتى.
ۇشاق قۇلاعان اۋدانعا «قازاق مىس» كورپوراتسياسى» ج ش س «شاتىركول» كەن ورنى قاۋىپسىزدىك قىزمەتىنىڭ قىزمەتكەرلەرى، قاراعاندى جانە جامبىل وبلىستارى توتەنشە جاعدايلار دەپارتامەنتتەرىنىڭ قۇتقارۋ بولىمشەلەرى جانە جامبىل وبلىسى ىشكى ىستەر دەپارتامەنتىنىڭ جەدەل- تەرگەۋ توبى جىبەرىلگەن.
