ادىلبەك جاقسىبەكوۆ استاناداعى اۋەجايدىڭ قىزمەتىن قاتاڭ سىنعا الدى
دەپ حابارلايدى قالالىق اكىمدىكتىڭ باسپا ءسوز قىزمەتىنەن.
جيىندا كوممۋنالدىق قىزمەت كورسەتۋ، قالا تۇرعىندارىنىڭ شاعىمدارىنا جەدەل جاۋاپ قاتۋ ماسەلەلەرى تالقىلاندى. اكىم كولىك لوگيستيكاسى، سونىڭ ىشىندە ەلوردا اۋەجايىنىڭ ماسەلەلەرىنە ەرەكشە توقتالىپ ءوتتى. وكىنىشكە وراي، ەلوردا اۋەجايى ءاردايىم تۇرعىندار تاراپىنان سىنعا ۇشىراپ وتىرادى.
- ءتولقۇجاتتى تەكسەرۋ كەزىندە ۇلكەن كەزەكتەر پايدا بولىپ، باعدارلاما ىستەن شىعادى، قىزمەتكەرلەردىڭ شەت تىلدەرىن بىلمەۋى جانە تاريفتەردىڭ قىمبات بولۋى بۇل تۇيتكىلدى ماسەلەلەردىڭ تولىق ءتىزىمى ەمەس. بۇل تۋرالى قاراپايىم تۇرعىندار، وسىنداي جاعدايلارعا تاپ بولعان بەلگىلى جۋرناليستەر مەن بيزنەسمەندەر ايتىپ تا، جازىپ تا ءجۇر. قىزمەت كورسەتۋ ساپاسى الەمدىك ستاندارتتارعا ساي ەمەس، - دەدى ءا. جاقسىبەكوۆ.
قالا باسشىسى بارلىق ءتيىستى اۋماقتىق جانە ۆەدومستۆوعا قاراستى قۇرىلىمدارعا، سونىڭ ىشىندە شەكارا جانە كەدەن قىزمەتتەرىنە بۇل ماسەلەلەردىڭ شەشىمىن تاۋىپ، اۋەجاي جولاۋشىلارىنا ساپالى قىزمەت كورسەتۋ بويىنشا جۇيەلى شارالاردى قابىلداۋدى تاپسىردى.
