قىزدار قانداي ەر ادامداردى ۇناتپايدى؟
1. ءالى بالا
ول ءالى كۇنگە دەيىن «روبوت»، «سوعىس، شايقاس»، «توبەلەس»، «كونترسترايك»، «دوتا» سىندى ويىندارعا قۇمار. كەيدە، ءتىپتى، فۋتبولعا باسىمەن كەتكەندەر ءجيى كەزدەسەدى. مۇنداي ەركەكتەر ويىندى ءبىرىنشى ورىنعا قويادى. ادەتتە ايەل ادامدار بۇل ءتيپتى ەرلەردىڭ جانىندا ءوزىن ايەل ەمەس، انا سياقتى سەزىنەدى.
2. «مەن، مەنىڭ، ماعان.. .»
بۇل - ەڭ قاۋىپتى ءتيپتىڭ ءبىرى. ول سىمباتتى، كەلبەتتى، ءوزىن ۇقىپتاپ ۇستايدى، جان-جاعىندا ايەل ادامدار از ەمەس. الايدا ول ءوزىن عانا ويلايدى. مۇنداي ەركەكتەرگە ايەل ادام تەك «يميدج» ءۇشىن كەرەك. ەگەر ءسىز ونىڭ گالستۋگىنا سايكەس كەلمەيتىن كويلەك كيسەڭىز، ونىڭ رەنجىپ قالۋى عاجاپ ەمەس. ونىڭ قاسىندا ءسىز ءمىنسىز كورىنۋىڭىز كەرەك.
3. اناسىنىڭ بالاسى
كۇندەلىكتى اناسىنا تەلەفون شالىپ، جۇمىس كۇنىنىڭ قالاي وتكەنى جايلى ەسەپ بەرەتىن ەر ادامداردى اياۋلى جاندار ۇناتا بەرمەيدى. سەبەبى ەكەۋىنىڭ اراسىنا قايتا-قايتا ەنەسى كىرىپ، كەڭەسىن ايتىپ، بالاسىن قورعاسا، مۇنىڭ اياعى جاقسىلىقپەن بىتپەيدى.
4. كومپيۋتەردىڭ دوسى
مۇنداي جىگىتتەر ادەتتە ءوزىنىڭ سىرت كەلبەتىنە اسا ءمان بەرە بەرمەيدى. ۆيرتۋالدى الەمنىڭ تۇرعىنى جۇمىستا مىقتى مامان بولسا دا، نازىك جاندارمەن ءتىل تابىسا المايدى.
5. سپورتشى جىگىت
قىزدار ەكولوگيا، قوعام، وتباسى، دوستار جايلى ەمەس، ءوزىنىڭ بيتسەپسىن ولشەۋمەن ۋاقىت وتكىزەتىن جىگىتتەردەن قاشادى. ول ءۇشىن سپورت زالدا كۇندەلىكتى ساعاتتاپ جاتتىعۋ ادەتكە اينالعان. تاماق تانۋ الدىندا كالوري ولشەيتىن جىگىت كىمدى الاڭداتپايدى؟ بۇل جىگىتتى ۇستاپ قالۋ ءۇشىن ول جاتتىعاتىن زالعا ابونەمەنت ساتىپ الىپ، قاسىندا ءجۇرۋ كەرەك.
6. «ارمانداستار، قۇرداستار...»
«جانىم، ءبىز جىگىتتەرمەن كەشكە وتىرامىز»، «جانىم، بۇگىن دوسىمنىڭ تۋعان كۇنى»، «جانىم، بەيسەنبى «جىگىتتەر كۇنى»، ال جۇما ءبىز فۋتبول كورەمىز» سىندى سوزدەردى ايتىپ، ارىزداناتىن قۇربىڭىز بار ما؟ دەمەك، وعان وسى ءتيپتى جىگىت كەزىكتى. ەگەر ەرىڭىز سىزگە ۋاقىت ءبولۋ ءۇشىن «دۇيسەنبى مەن سەنبى» كۇنىن بەلگىلەسە، سىزگە شىداۋعا نە قۇربىلارىڭىزعا تەلەفون شالۋعا تۋرا كەلەدى.
7. تويىمسىز جىگىت
بۇل تيپ تە ايەلدەر ءۇشىن ەڭ قاۋىپتىسى دەۋگە بولادى. سىرتىنا كوز سالساڭ، ءمىنسىز جىگىت: ءازىلقوي، ءتىل تابىسا الاتىن، ءۇي-كۇيى بار، سىمباتتى. الايدا ءبىر قىزدى از كورەتىن مىنەزى اتالعان جاقسى جاقتاردان سالماقتىراق. مۇنداي جىگىتتەر ءۇشىن وتباسى، بالالار دەگەن دۇنيەلەر قۇندىلىق ەمەس. بۇل تيپكە عاشىق بولۋدان اۋلاق بولىڭىز!
ءسىز نە قوسار ەدىڭىز؟
massaget.kz
