ەلىمىزدە اۋىر جانە اسا اۋىر قىلمىستاردى اشۋ كورسەتكىشى جاقسارىپ كەلەدى - ق. قاسىموۆ
القا وتىرىسىندا 2014 - جىلعى قىزمەت قورىتىندىلارى، تاياۋ ۋاقىتتارعا ارنالعان ىشكى ىستەر ورگاندارىنىڭ باسىم مىندەتتەرى، سونداي- اق ىشكى ىستەر ورگاندارىنداعى ءتارتىپ، زاڭدىلىق جانە سىبايلاس جەمقورلىققا قارسى ءىس- قيمىل جاعدايى تالقىلاندى. بۇل تۋرالى ءى ءى م باسپا ءسوز قىزمەتىنەن حابارلاندى.
ىشكى ىستەر ءمينيسترى قالمۇحانبەت قاسىموۆ جيىن بارىسىندا وتكەن جىلى ۆەدومستۆو قىزمەتىن رەفورمالاۋ جونىندەگى ءىس- شارالاردى ىسكە اسىرۋدا ەلەۋلى كەزەڭ بولعانىن اتاپ ءوتتى. ونى ايتۋىنشا، زاماناۋي تالاپتارعا سايكەس ىشكى ىستەر ورگاندارىنىڭ جاڭا جۇيەسىنىڭ نەگىزى قالانعان «ىشكى ىستەر ورگاندارى تۋرالى» زاڭ قابىلدانعان. قۇقىق قورعاۋ جۇيەسىن ودان ءارى جاڭعىرتۋدىڭ مەملەكەتتىك باعدارلاماسىن جانە قۇقىق قورعاۋ ورگاندارىنىڭ كادرلىق ساياساتىنىڭ تۇجىرىمداماسىن ىسكە اسىرۋ جۇمىستارى جۇرگىزىلدى. بۇدان بولەك، مينيستر ەسەپكە الۋ- تىركەۋ ساياساتىن قاتاڭداتۋ ناتيجەسىندە قىلمىستاردى جاسىرۋدىڭ بۇرىنعى پراكتيكاسى ءتۇپ تامىرىمەن جويىلعانىن اتاپ ءوتتى.
«سوڭعى جىلدارى ەلىمىزدە العاشقى رەت قىلمىستىڭ تومەندەۋى بايقالدى. ءبىرقاتار قىلمىس تۇرلەرى قىسقاردى، ونىڭ ىشىندە كىسى ءولتىرۋ، دەنساۋلىققا اۋىر زيان كەلتىرۋ، توناۋ، قاراقشىلىق، باسقا اۋىر جانە اسا اۋىر قىلمىستار، سونداي- اق كامەلەتكە تولماعاندار، بۇرىن سوتتالعاندار جاساعان قىلمىستار، كوشەلەردە جاسالاتىن قىلمىستار ازايدى. قىلمىستىڭ تومەندەۋىنەن قىلمىستاردىڭ اشىلۋى، جابىرلەنۋشىلەردىڭ بۇزىلعان قۇقىعىن قايتا قالپىنا كەلتىرۋ جونىندەگى ءبىزدىڭ نەگىزگى مىندەتىمىز شەشىلىپ كەلەدى. قىلمىستىڭ باسىم تۇرلەرىن، ونىڭ ىشىندە اۋىر جانە اسا اۋىر قىلمىستاردى اشۋ جاقساردى» ، - دەپ اتاپ ءوتتى ق. قاسىموۆ.
بۇدان بولەك، مينيستر ىشكى ىستەر جۇيەسىنىڭ اعىمداعى جىلعى قىزمەتى مەملەكەت باسشىسىنىڭ «نۇرلى جول - بولاشاققا جول» جولداۋىندا بەلگىلەنگەن اۋقىمدى مىندەتتەردى ناتيجەلى ىسكە اسىرۋ ءۇشىن جاعداي جاساۋعا، قىزمەتتەر مەن بولىنىستەردىڭ جەدەل- قىزمەتتىك جۇمىس كورسەتكىشتەرىن تومەندەتپەي، قىلمىستار تۋرالى بارلىق وتىنىشتەر مەن ارىزدارعا مۇلتىكسىز جەدەل دەن قويۋدى قامتاماسىز ەتە وتىرىپ، قىلمىستىق زاڭنىڭ جانە قىلمىستىق سوت ءوندىرىسىنىڭ جاڭا ۇلگىسىنە اۋىسۋدى جالعاستىرۋعا باعىتتالۋى ءتيىس ەكەنىنە نازار اۋداردى.
ءى ءى م القا وتىرىسىنىڭ قورىتىندىسى بويىنشا مينيسترلىكتىڭ ورتالىق اپپاراتىنىڭ جانە وڭىرلىك دەپارتامەنتتەردىڭ قىزمەت باسشىلارىنا وزگە دە قارالعان پروبلەمالار بويىنشا ناقتى تاپسىرمالار بەرىلدى.
