مۇناي باعاسىنىڭ بۇدان كەيىن ايتارلىقتاي قۇلدىراۋى ورىن المايدى

بۇل تۋرالى بۇگىن ورتالىق كوممۋنيكاتسيالار قىزمەتىندەگى «جاھاندىق سىناق ۋاقىتى: جاڭا سىن- قاتەرلەر» اتتى دوڭگەلەك ۇستەلدە ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى ۆياچەسلاۆ دودونوۆ ءمالىم ەتتى.

«مەنىڭ ويىمشا، ونىڭ باعاسىنىڭ بۇدان كەيىن ايتارلىقتاي قۇلدىراۋى ورىن المايدى. مۇناي قۇنىنىڭ ورتاشا جىلدىق باعاسى 50 دوللار دەڭگەيىندە قالىپتاسادى»، - دەدى ۆ. دودونوۆ.

وسى ورايدا ول بۇگىندە قازاقستاندا ەكونوميكانىڭ كەرى قۇبىلىستارىنا قارسى تۇرۋ بويىنشا ەكى ءادىس قولدانىلىپ وتىرعاندىعىن اتاپ ءوتتى.

«ولار ەكى نەگىزگى باعىتتى قامتىپ وتىر. بۇل تۇرعىدا ەكونوميكانى ىنتالاندىرۋ، ياعني بۇلار - «نۇرلى جول» باعدارلاماسىندا بەلگىلەنگەن شارالار. وسى باعىتتا ىشكى سۇرانىس پەن تۇتىنۋدىڭ ىشكى شىعىستارىن ىنتالاندىرۋ، ونىڭ ىشىندە مەملەكەتتىك قولداۋ ەسەبىنەن شاعىن جانە ورتا بيزنەستىڭ ينفراقۇرىلىمدىق جوبالارىن، قارجىلىق سەكتوردى قولداۋ قاراستىرىلعان. بۇعان قوسا بيۋدجەتتىك قارجىنى ۇنەمدەۋ قاجەتتىلىگى قامتىلىپ وتىر. اتاپ ايتقاندا، وسى قوس تەتىك ىسكە اسىرىلادى»، - دەدى ساراپشى.

ايتا كەتەيىك، دوڭگەلەك ۇستەلگە قازاقستان ستراتەگيالىق زەرتتەۋلەر ينستيتۋتىنىڭ، تۇڭعىش پرەزيدەنت قورى جانىنداعى الەمدىك ەكونوميكا مەن ساياسات ينستيتۋتىنىڭ الدىڭعى قاتارلى قازاقستاندىق ساراپشىلارى، ەۋرازيالىق ينتەگراتسيا ينستيتۋتىنىڭ، سونداي- اق ت م د ەلدەرى مەن ا ق ش- تىڭ ساراپشالارى قاتىسۋدا.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى