اۋعانستان ءمينيسترى قىزمەتىنە كانديداتتى ينتەرپول ىزدەستىرۋدە
پرەزيدەنت حايداري ءومىربايانىنىڭ بۇل ەرەكشەلىگى تۋرالى حابارسىز بولدى، دەدى اكىمشىلىك وكىلى.
حايداري حالىقارالىق ىزدەۋگە 2010-جىلى ەستونيا ەلىنىڭ وتىنىشىمەن بەرىلدى. وندا وعان سالىق تولەۋدەن جالتارۋ ايىبى تاعىلۋدا.
ول بۇل تىزىمگە دۇشپاندارىنىڭ تىمىسكىلىك ارەكەتتەرى سالدارىنان ەنگەنىن، ال ءىس جۇزىندە شامامەن 18 ميلليون ەستونيا كروندارىن كەزىندە ەستونيادا ونىڭ يەلىگىندە بولعان Rapla Dairy زاۋىتىنىڭ جاڭا يەلەرى تولەمەگەنىن ايتادى. حايداري زاۋىتتى 2003-جىلى ساتىپ جىبەرگەنىن ايتتى. «بيزنەس پەن ساياسات الەمىنە كىرگەن كەزدە، مۇنداي جاعدايلارعا تاپ بولاسىڭ»، - دەپ مالىمدەدى ول.
Rapla Dairy زاۋىتىنىڭ ءتورت مەنەدجەرى 2003-جىلدىڭ سوڭىندا تاللين قالالىق سوتىمەن ءىرى ايىپپۇلدار تولەۋ جازاسىنا كەسىلدى.
52 جاستاعى حايداري كەزىندە ك س ر و- نىڭ اسكەري ۋچيليشەسىن ءتامامداعان، اۋعانستاننان 1992-جىلى مودجاحەدتەردىڭ پرەزيدەنت نادجيبۋللانى قۇلاتۋىنان كەيىن كەتكەن. 2003-جىلعا دەيىن ەستونيادا بيزنەسپەن اينالىسقان.
