جاپونيا دەموكراتيالىق پارتياسىنىڭ كوشباسشىسى بۇرىنعى س ءى م باسشىسى كاتسۋيا وكادا بولدى
پارتيا كونفەرەنتسياسىندا ەكى تۋرداعى مەرزىمىنەن بۇرىن داۋىس بەرۋ ناتيجەسىندە ول ءوزىنىڭ قارسىلاستارى - بۇرىنعى دەنساۋلىق جانە ەڭبەك ءمينيسترى اكيرا ناگاتسۋمانى، سونداي-اق بۇرىنعى پارتيانىڭ باس حاتشىسى گوسي حوسونونى باسىپ وزدى.
پارتيا كونفەرەنتسياسىندا 130 پارلامەنت مۇشەسى داۋىس بەردى، ال قالعان 230 مىڭ ج د پ مۇشەلەرى ءوز داۋىستارىن الدىن الا بەردى.
وكادا كوپ جىلداردان بەرى وسى پارتياداعى باستى تۇلعا بولىپ سانالادى. پارتيا بيلىكتە بولعان كەزدە وكادا جاپونيا سىرتقى ىستەر ءمينيسترى بولدى، ۆيتسە-پرەمەر لاۋازىمىن دا اتقاردى. ج د پ ءتوراعاسىن مەرزىمىنەن بۇرىن سايلاۋ وتكەن ايدا ونىڭ بۇرىنعى كوشباسشىسى بانري كايەدى جاپون پارلامەنتىندەگى ورنىنان ايىرىلىپ قالعاننان كەيىن وتستاۆكاعا كەتۋىنە بايلانىستى وتكىزىلدى.
جاپونيا دەموكراتيالىق پارتياسى 1998-جىلى قۇرىلدى، ال 2009-جىلى ول العاش رەت بيلىككە كەلدى. 2012-جىلى ەلدى باسقارۋعا قازىرگى پرەمەر-مينيستر سيندزو ابە باستاعان ليبەرال- دەموكراتيالىق پارتيا ورالدى.
