تۇركيانىڭ ۇ ب پ كوشباسشىسى قازاقستانمەن بايلانىستاردى نىعايتۋدا بەلسەندىلىك تانىتۋعا ازىرلىگىن ءبىلدىردى
تۇركيانىڭ ۇلى بىرلىك پارتياسى 1993-جىلى قۇرىلىپ، تۇركى الەمى ەلدەرىنىڭ اراسىنداعى قارىم-قاتىناستارىنىڭ دامۋىنا ەرەكشە كوڭىل بولەتىن بىرلەستىكتەردىڭ ءبىرى بولىپ تابىلادى.
كەزدەسۋ بارىسىندا تاراپتار تۇركياداعى قوعامدىق-ساياسي احۋالعا جانە ەكى ەلدىڭ اراسىنداعى قارىم-قاتىناستارعا قاتىستى ماسەلەلەر بويىنشا پىكىر الماسىپ، قازاقستان مەن تۇركيا ساياسي پارتيالارىنىڭ اراسىنداعى ىنتىماقتاستىقتى قوسا العاندا، ەكى ەلدىڭ تاريحي، مادەني جانە رۋحاني بايلانىستاردىڭ نەگىزىندە سەرىكتەستىكتى نىعايتۋ ماسەلەلەرىن تالقىلادى.
م. دەستيدجي قازاقستان مەن تۇركيا اراسىنداعى بايلانىستاردى جوعارى باعالاي وتىرىپ، ولاردىڭ نىعايۋىنا بەلسەندىلىك تانىتۋعا ازىرلىگىن ءبىلدىردى. ونىڭ ايتۋىنشا، ەكى ەلدىڭ اراسىنداعى قارىم-قاتىناستارعا قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ قوسقان ۇلەسى زور بولىپ تابىلادى. سونداي-اق ول قازىرگى تاڭداعى تۇركى الەمىندەگى ينتەگراتسيالىق ۇدەرىستەردىڭ دە قازاقستاننىڭ كوشباسشىسى ن. ءا. نازاربايەۆ باستامالارىنىڭ نەگىزىندە قالىپتاسىپ، ودان ءارى دامىپ كەلە جاتقانىن بارشاعا انىق ەكەندىگىن دە اتاپ كەتتى.
سونىمەن قاتار پارتيا كوشباسشىسى ەكى ەلدىڭ باسقا دا حالىقارالىق بىرلەستىكتەر اياسىندا ءوزارا قولداۋىنا جانە ىقپالداسۋىنا قۋانىشتى ەكەنىن ءبىلدىردى. ونىڭ ىشىندە، م. دەستيدجي ەلباسىنىڭ باستاماسىمەن قۇرىلعان ازياداعى ءوزارا ءىس-قيمىل جانە سەنىم شارالارى كەڭەسىنىڭ اياسىنداعى قازاقستان مەن تۇركيانىڭ باۋىرلاس ىنتىماقتاستىعىن ەرەكشە اتاپ ءوتتى. ول سونداي-اق ەكى ەلدىڭ اراسىنداعى ەكونوميكالىق ىنتىماقتاستىعى دەڭگەيىنىڭ جوعارى ەكەندىگىنە ريزاشىلىعىن بىلدىرە وتىرىپ، ەكىجاقتى مادەني بايلانىستاردى بەلسەندىرەك دامىتۋدىڭ قاجەتتىلىگى مەن ماڭىزدىلىعىن اتاپ ءوتتى.
ەلشى ج. تۇيمەبايەۆ ەكى ەلدىڭ اراسىنداعى بايلانىستار جايلى جانە قازاقستاننىڭ سوڭعى كەزەڭدەردەگى جەتىستىكتەرىنەن حاباردار ەتىپ، «اتوم جوباسى» جانە «G-Global» سياقتى قازاقستاننىڭ باستاماسىمەن جۇزەگە اسىرىلىپ جاتقان حالىقارالىق جوبالار تۋرالى باياندادى.
كەزدەسۋ ناتيجەسىندە قازاقستان ەلشىسى ۇ ب پ- نىڭ ءتوراعاسىنا ەلشىلىكتىڭ تۇرىك تىلىندە باسىپ شىعارعان ق ر پرەزيدەنتى ن. ءا. نازاربايەۆتىڭ تاڭدامالى شىعارمالارىنىڭ بەس تومدىعىن، «قازاقستان-تۇركيا: دوستىق پەن ىنتىماقتاستىقتىڭ 20 جىلى»، «قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ - الەمدىك دەڭگەيدەگى كوشباسشى» اتتى كىتاپتاردى جانە ق ر پرەزيدەنتىنىڭ قازاقستان حالقىنا «نۇرلى جول - بولاشاققا باستار جول» جولداۋىن تابىس ەتتى. تاراپتار قازاقستان مەن تۇركيا اراسىنداعى بايلانىستاردى نىعايتۋدا ءوزارا تىعىز قارىم-قاتىناستا بولۋعا كەلىستى.
