رەسەيدىڭ ومبى قالاسىندا قازاقستاندىق سۋرەتشىنىڭ كورمەسىندە كيىزدەن باسىلعان پەيزاجدار ۇسىنىلۋدا
س. تورايعىروۆ اتىنداعى پ م ۋ-ءىنىڭ ساۋلەت-قۇرىلىس فاكۋلتەتىنىڭ «ساۋلەت جانە ديزاين» كافەدراسىنىڭ اعا وقىتۋشىسى، قازاقستان سۋرەتشىلەر وداعىنىڭ مۇشەسى مايسا قامىسباي قىزىنىڭ كورمەسى ومبى قالاسىنىڭ ا. س. پۋشكين اتىنداعى ورتالىق كىتاپحاناسىنىڭ كورمە زالىندا وتۋدە.
كورمەگە كيىزدەن باسىلعان «مەنىڭ قازاقستانىم» اتتى پەيزاجدار سەرياسى مەن مۇقاعالي ماقاتايەۆتىڭ پوەزياسىنا ارنالعان «مۇقاعالي» اتتى گرافيكالىق سۋرەتتەر سەرياسى - بارلىعى 30 تۋىندىسى قويىلدى.
مايسا ىقىلاسوۆا جەكە كورمەسىنىڭ اشىلۋىنا ومبىداعى ايماقتىق «ءمولدىر» ءسىبىر-قازاق مادەني ورتالىعىنىڭ ءتورايىمى التىناي ءجۇنىسوۆا ۇيىتقى بولعانىن اتاپ ءوتتى.
«كورمەگە ومبىدا تۇراتىن قانداستارىمىز، ونەرسۇيەر ازاماتتار مەن جەرگىلىكتى ۇلت وكىلدەرى، ستۋدەنتتەر مەن وقۋشىلار كوپ كەلدى. ومبىداعى كوركەمونەر ينستيتۋتىنىڭ ديرەكتورى، رەسەي سۋرەتشىلەر وداعىنىڭ مۇشەسى قايىرتاي ءامىرعازين، سۋرەتشى امانگەلدى شاكەنوۆ سياقتى ارىپتەستەرىمەن كەزدەسىپ، وي بولىستىك»، - دەدى مايسا قامىسباي قىزى.
ومبى قالاسىنداعى قازاقستاننىڭ كونسۋلى ەلدار قونايەۆ سۋرەتشىنىڭ ەڭبەكتەرىن جوعارى باعالاپ، ءارى قازاقستان رەسپۋبليكاسى مەن رەسەي فەدەراتسياسى اراسىنداعى مادەني-گۋمانيتارلىق بايلانىستىڭ دامۋىنا زور ۇلەس قوسقانى ءۇشىن مايسا ىقىلاسوۆاعا العىس حات تابىس ەتتى.
كورمە بارىسىندا مايسا قامىسباي قىزى جەرگىلىكتى ونەر جاناشىرلارىنا ارناپ شەبەرلىك سىنىبىن وتكىزدى. ومبى قالاسىندا ءوتىپ جاتقان «جىبەك جولى» كورمەسى 2015-جىلدىڭ 15- اقپانىنا دەيىن جۇمىس جاسايدى.
