ماڭعىستاۋلىق تاەكۆوندوشىلاردى وڭتۇستىك كورەيالىق سپورت شەبەرلەرى قازاقستان چەمپيوناتىنا ازىرلەدى - فوتو
«اقتاۋ» س و س ك-ىندە قالا تۇرعىندارى مەن قوناقتارىنىڭ نازارىنا اقتاۋلىق سپورتشىلار ءوز ونەرلەرىن ۇسىندى.
«ونى تاماشالاۋعا قالا جۇرتشىلىعى كوپتەپ جينالدى. ءبىزدىڭ دە ماقساتىمىز وسى - سالاۋاتتى ءومىر سالتىن ناسيحاتتاۋ ەدى. 2014-جىلى 29 ميلليون تەڭگەگە 22 سپورتتىق شارالار وتكىزىلدى، سونىڭ ناتيجەسىندە وبلىس تۇرعىندارىنىڭ %30 سپورتپەن جۇيەلى اينالىسادى، بۇل 2013-جىلمەن سالىستىرعاندا %2 عا ارتىق»، - دەيدى ماڭعىستاۋ وبلىستىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى رۋشانيا ەليزاروۆا.
ال وبلىستىق تاەكۆوندو فەدەراتسياسىنىڭ پرەزيدەنتى قاناعات سۇيەبايەۆتىڭ ايتۋىنشا، وتكەن جىلدىڭ قاراشا ايىندا سەۋل قالاسىنداعى بۇكىل الەمدىك تاەكۆوندو فەدەراتسياسىنىڭ ورتالىعىندا ءوزىنىڭ اتتەستاتتاۋدان ءوتۋى بارىسىندا وسى ۇيىمنىڭ اقتاۋعا تاجىريبە الماسۋ، باپكەرلەردى اتتەستاتتاۋ، سپورتشىلاردىڭ شەبەرلىكتەرىن ارتتىرۋ ءۇشىن جىل سايىن 5-6 سپورت شەبەرىن جىبەرىپ وتىرۋى تۋرالى كەلىسىم جاسالعان. وڭتۇستىك كورەيانىڭ جاسوسپىرىمدەر قۇراماسىنىڭ تاەكۆوندوشىلارى ون گۋ، دجۋن ۆونگ، حەن دجۋ، پاك چيگۋن، چەن دجۋن لي نەبارى ءبىر اي ىشىندە وبلىستىڭ بارلىق دەرلىك اۋداندارىن ارالاپ، كوشپەلى جاتتىعۋلار وتكىزىپ ۇلگەرگەن.
اقتاۋدا جاتتىعۋلار جۇرگىزۋ ءۇشىن وڭتۇستىك كورەيالىق سپورتشىلار فەدەراتسيانىڭ «Taekwondo Peace Corps» ارنايى باعدارلاماسى بويىنشا ەمتيحان تاپسىرعان. تاەكۆوندو وليمپيادا ويىندارىنىڭ تۇرىنە جاتقاندىقتان، جاتتىعۋلار تەگىن جۇرگىزىلگەن. شەتەلدىك سپورتشىلاردىڭ بۇل ساپارىنىڭ شىعىندارىن ماڭعىستاۋ وبلىسىنىڭ تاەكۆوندا فەدەراتسياسى ءوز موينىنا العان.
