اقتوبە وبلىسىندا اۋىل ازاماتى قۇلپىناي پلانتاتسياسىن ءوسىرىپ، جەرگىلىكتى تۇرعىنداردى جۇمىسپەن قامتىماق
جوبانى اقتوبە وبلىستىق كاسىپكەرلەر پالاتاسى سۇيەمەلدەيدى. بۇل تۋرالى پالاتانىڭ ويىل اۋدانىنداعى فيليالىنىڭ ديرەكتورى التاي داۋلەتوۆ ايتتى، دەپ حابارلانعان ۇ ك پ سايتىندا.
وسىعان دەيىن راسۋل ەرسەيىتوۆ «Aktobe startup» العاشقى بيزنەس-جوبالار بايقاۋىندا كوشەتحانا قۇرىلىسىنا 2,5 ميلليون تەڭگە العان. ءىسىن باستاۋشى كاسىپكەر سوڭعى ەكى جىلدا جەكە مەنشىك ءۇيىنىڭ جانىندا 3 سوتىق جەردە قۇلپىناي وسىرگەن.
«مەن ءۇيىمنىڭ جانىندا تامشىلاي سۋارۋدى پايدالانا باستادىم. ناتيجەسى ويلاعانىمنان دا اسىپ ءتۇستى: ءبىرىنشى ەگىستىگىمنەن 530 كەلى «ويىلدىق» جەمىس ءونىمىن الدىم. سوندىقتان بيىل قۇلپىنايدى 6 گەكتار پلانتاتسياعا وتىرعىزۋعا بەل بۋدىم. كوشەتحانادا قۇلپىناي مامىر ايىنىڭ باسىنان قاراشا ايىنىڭ سوڭىنا دەيىن جەمىس بەرەتىن بولادى. سونىمەن بىرگە مەن جەرگىلىكتى تۇرعىنداردى تۇراقتى جۇمىسپەن جانە ەڭبەكاقىمەن قامتاماسىز ەتە الامىن»، - دەپ ءوز جوسپارىمەن ءبولىستى ر. ەرسەيىتوۆ.
پالاتا فيليالىنىڭ ديرەكتورى ا. داۋلەتوۆتىڭ ايتۋىنشا، كاسىپكەرگە قۇلپىناي ءوسىرۋ ءۇشىن 6 گەكتار جانە الما باعىن وتىرعىزۋعا 40 گەكتار جەر تەلىمى بولىنگەن.
