لوندونداعى سيمفونيالىق وركەستر ەركەش شاكەيەۆتىڭ تۋىندىلارىن ورىندادى
ولاردى اتى اڭىزعا اينالعان لوندون سيمفونيالىق وركەسترى مەن اسقان شەبەر سكريپكاشى مارات بيسەنعاليەۆ ورىندادى.
بۇل تۋرالى Instagram الەۋمەتتىك جەلىسىندەگى پاراقشاسىندا كونتسەرتتى تاماشالاعان ءانشى باتىرحان شۇكەنوۆ حابارلادى.
«كەشە مارات بيسەنعاليەۆتىڭ قاتىسۋىمەن لوندون سيمفونيالىق وركەسترىنىڭ كونسەرتى ءوتىپ، وندا دوسىم ەركەش شاكەيەۆتىڭ تۋىندىلارى ورىندالدى. وتانداستارىممەن جانە دوستارىممەن بىرگە مەن ءبىزدىڭ ەركەشىمىزدىڭ شىعارماشىلىق ومىرىندەگى جاڭا كەزەڭنىڭ باستالۋىنا كۋا بولعانىما قۋانىپ، باقىتتى بولدىم»، - دەپ جازدى ءانشى.
مۋزىكالىق وقيعانىڭ باعدارلاماسىندا م. بيسەنعاليەۆپەن بىرلەسىپ جاسالعان جوبا بولعان «Inception» البومىنىڭ تۇساۋكەسەرى ءوتتى. جاڭا البومنىڭ قۇرامىندا 12 كومپوزيتسيا بار.
كومپوزيتوردىڭ بۇعان دەيىن حابارلاۋىنشا، البوم 2014 - جىلدىڭ مامىر- شىلدە ارالىعىندا بريتانيانىڭ Abbey Road جانە Air Studios سياقتى ۇزدىك ستۋديالارىندا، سونداي-اق كارل دجەنكينستىڭ ستۋدياسىندا جازىلدى، جازبانى جۇزەگە اسىرۋعا كومپانيانىڭ جەتەكشىسى، الەمدىك پروديۋسەرلەردىڭ ءبىرى الەكساندر ۆان ينگەن جەتەكشىلىك ەتتى.
اۆتوردىڭ ايتۋىنشا، اتالعان البومدى جازۋ كەزەڭى ونىڭ ومىرىندەگى ەڭ باقىتتى شاقتارىنىڭ ءبىرى بولدى.
كونسەرتتىڭ كومپوزيتوردىڭ سايتىندا ونلاين-رەجيمدە كورسەتىلگەنىن اتاپ وتكەن ءجون.
