الماتى يسلام مادەنيەتىنىڭ استاناسى اتاندى
بۇل تۋرالى Almaty.tv ءتىلشىسى الماتى قالاسى مادەنيەت باسقارماسىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.
2014 - جىلى بىشكەكتە يسلام مادەنيەتىنە قاتىستى ءبىرقاتار ءىرى شارالار ءوتتى. جىلدىڭ جابىلۋ سالتاناتىنا اۋعانستان، يران، كاتار، ساۋد ارابياسى ەلدەرىنەن مادەنيەتتاۋشىلار شاقىرىلدى.
«ءبىلىم، عىلىم، مادەنيەت ماسەلەلەرى بويىنشا يسلام ۇيىمىنىڭ وكىلى اليبابا بابايەۆ پەن قىرعىز رەسپۋبليكاسىنىڭ مادەنيەت، اقپارات جانە تۋريزم ءمينيسترى التىنبەك ماقسۇتوۆ كىلتتى سالتاناتتى تۇردە الماتى قالالىق مادەنيەت باسقارماسى باسشىسىنىڭ ورىنباسارى رۋزاننا بەكتۇرسىنوۆاعا تاپسىردى»، - دەلىنگەن حابارلامادا.
الماتى اكىمدىگى مەن ق ر مادەنيەت جانە سپورت مينيسترلىگى اقپان ايىندا وتەتىن حالىقارالىق كونفەرەنسياعا دايىندىقتى باستاپ كەتتى.
ەستەرىڭىزگە سالا كەتسەك، وڭتۇستىك استانا 2014 - جىلعى ت م د مادەني استاناسى ستاتۋسىن يەلەنگەن بولاتىن.
