جولاقىنىڭ قىمباتتاۋىنا قارسى نارازىلىق شارالارى جالعاسۋدا

بۇل شاھاردا اۆتوبۋستارداعى، سونداي-اق مەترو مەن قالا ماڭىنا قاتىنايتىن پويىزدارداعى ءجۇرۋ اقىسى 1,15 تەن 1,34 دوللارعا كوتەرىلگەن.

«بۇل اقىلعا سىيمايتىن نارسە. بۇكىل قالا حالقى تاسىمالداۋشى كومپانيالاردىڭ قانداي تابىس تاۋىپ وتىرعانىن جاقسى بىلەدى. سوندىقتان ءبىز جولاقى كولەمى ارزانداعانشا كوشەدە بولامىز»، - دەيدى جولاقى قوزعالىسىنىڭ مۇشەسى لۋيزە تاۆارەس.

باسىندا بەيبىت باستالعان شەرۋ سوڭى پوليتسيامەن قاقتىعىسقا ۇلاستى.

وسى ەرەۋىلدەر كەزىندە 3 بانك بولىمشەسى تونالعان. ءتارتىپ ساقشىلارى جۇگەنسىز كەتكەن توپتى تاراتۋ ءۇشىن كوزدەن جاس اعىزاتىن جانە بۇرىش قوسىلعان گاز شاشتى.

قاقتىعىس سالدارىنان بىرنەشە بەلسەندى جاراقات الىپ، تاعى ءبىرازى قاماۋعا الىنعان.

بۇل سان-پاۋلۋدا وسى جىل باسىنان بەرى جولاقى كولەمىنىڭ ارتۋىنا قارسى وتكەن ەكىنشى ەرەۋىل.

www.khabar.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى