وباما باي امەريكاندىقتار ءۇشىن سالىقتى كوبەيتۋدى ۇيعاردى

سولاردىڭ ءبىرى - باي تۇراتىن امەريكاندىقتار ءۇشىن سالىقتى كوبەيتۋ، دەپ حابارلايدى ر ب ك.

ا ق ش پرەزيدەنتى ءوزىنىڭ باستامالارى تۋرالى كەلەسى اپتادا وتەتىن كونگرەسكە جىل سايىنعى جولداۋىندا جاريالايدى.

وباما زاڭ شىعارۋشىلارعا جىلىنا 500 مىڭ دوللاردان استام تابىس تاباتىن ازاماتتار ءۇشىن سالىق مولشەرلەمەسىن قازىرگى 23,8 پايىزدان 28 پايىزعا دەيىن ءوسىرۋ ۇسىنىسىن جاساماق. باسىلىمنىڭ ەسكە سالۋىنشا، قازىرگى 23,8 پايىز مولشەرلەمەسىن دە كەزىندە وباما ورناتقان. بۇعان دەيىن ول 15 پايىزدى قۇراعان بولاتىن.

بۇدان باسقا، وباما مۇراگەرلىككە باعالى قاعازداردى العان امەريكاندىق ازاماتتارعا دا سالىق سالۋ ۇسىنىسىن جاساماقشى. بۇل وزگەرىستەر ەل ازاماتتار سانىنىڭ 1 پايىزدان اسپايتىن ۇلەسىنە تيەسىلى بولادى.

ا ق ش پرەزيدەنتىنىڭ ۇسىنىستارى كونگرەستىڭ ەكى پالاتاسىندا دا سانى كوپ رەسپۋبليكالىقتاردىڭ قارسىلىعىنا تاپ بولاتىنى شامالانىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى