قازاقستاندىق رەجيسسەر ت. بەكمامبەتوۆتىڭ فيلمىندە ويناعان رەسەيلىك اكتريسا دۇنيەدەن ءوتتى

«ول ۇزاق ۋاقىتقا سوزىلعان سىرقاتىنان كەيىن بوتكين اۋرۋحاناسىنىڭ جانساقتاۋ بولىمىندە كوز جۇمدى»، - دەدى ونىڭ قىزى تاتيانا ماركوۆا.

ريمما ماركوۆا 1925 - جىلى 3 - ناۋرىزدا دۇنيەگە كەلگەن، ءتۇرلى كينولاردا 70 شاقتى رولدەردى سومداعان. ونىڭ ىشىندە «قۇلاقتان كەتپەس ءۇن» («ۆەچنىي زوۆ») ، «تۋىس» («رودنيا»)، «پوكروۆ قاقپالارى» («پوكروۆسكيە ۆوروتا»)، «گاردەماريندەر، العا» («گاردەمارينى، ۆپەرەد») اتتى فيلمدەر بار.

اكتريسانىڭ سوڭعى رەت قاتىسقان كوركەم فيلمدەردىڭ قاتارىندا تانىمال قازاقستاندىق رەجيسسەر تيمۋر بەكمامبەتوۆتىڭ «تۇنگى بارلاۋشى» («نوچنوي دوزور») جانە «كۇندىزگى بارلاۋشى» («دنەۆنوي دوزور») ديلوگيالارىن اتاۋعا بولادى. بۇل رولدەرى ءۇشىن ر. ماركوۆا ەكىنشى رەتتەگى ەڭ ۇزدىك اكتريسا رەتىندە «التىن قىران» اتالىمىنا يە بولدى.

ريمما ماركوۆا ر ف-نىڭ حالىق ءارتىسى اتاعىن يەلەنگەن، IV دارەجەلى «وتان الدىنداعى قىزمەتى ءۇشىن» وردەنىمەن ماراپاتتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى