بۇگىن «استانا ارلاندارى» كومانداسىنىڭ العاشقى كەزدەسۋى «حابار» تەلەارناسىندا تىكەلەي ەفيردە كورسەتىلەدى

وليمپيادا ويىندارى، سونىمەن قاتار جاھاندىق جانە حالىقارالىق جارىستارداعى قازاق ەلىنىڭ بوكسشىلارى قول جەتكىزگەن تولاعاي تابىستار الەم نازارىن وزىنە اۋداردى. ءبىزدىڭ بىلعارى قولعاپ شەبەرلەرىنىڭ جانكۇيەرلەرى دە جىلدان جىلعا كوبەيىپ كەلەدى. تەك قازاقستاندىق قانا ەمەس، كوپتەگەن شەتەلدىكتەر دە ءبىزدىڭ سپورتشىلاردىڭ ونەرىنە سۇيسىنە قارايتىنى جاسىرىن ەمەس.

ادەتتە، مۇنداي بوكس كەشتەرى «قازسپورت» تەلەارناسىنان كورسەتىلىپ كەلگەن بولسا، بۇل جولى ءبىراز جانكۇيەر قاي تەلەارنا كورسەتەتىنىن جانە «استانا ارلاندارى» مەن «Caciques Venezuela» كوماندالارىنىڭ كەزدەسۋى قاشان بولاتىنىن بىلمەي، اۋرە-سارساڭعا تۇسۋدە.

سونىمەن، «استانا ارلاندارى» مەن «Caciques Venezuela» كوماندالارىنىڭ كەزدەسۋىن بۇگىن «حابار» تەلەارناسى تىكەلەي ەفيردە كورسەتەدى. بوكس كەشىنىڭ باستالۋى استانا ۋاقىتىمەن 17 ساعات 55 مينۋت.

«Astana Arlans» - «Caciques Venezuela» اراسىنداعى العاشقى كەزدەسۋدە جەكپە-جەككە شىعاتىن بوكسشىلاردىڭ ءتىزىمى:

49 كەلى: ماردان بەرىكبايەۆ - يوەل ريۆاس فينول

56 كەلى: مەيىربولات تويىتوۆ - حوسە ۆيسەنتە دياس

64 كەلى: سامات باشەنوۆ - لۋيس مارتين اركون

75 كەلى: مەيىرىم نۇرسۇلتانوۆ - حۋان كارلوس رودريگەس

91 كەلى: ۆاسيلي ليەۆيت - الفونسو حوسە فلورەس

اۆتور: ايدىن بايمەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى