قازاق ونەرىنىڭ ساڭلاقتارى: ءابىلقاسىم جاڭبىربايەۆ

.ونەردەگى قادامىن كوركەم- ونەرپازدار ۇيىرمەسىنەن باستاپ، 1942 -جىلى سەمەي وبلىسى مۋزىكالى دراما تەاترىنا قابىلداندى. اكتەر مۇحتار اۋەزوۆ شىعارمالارى بويىنشا قويىلعان «قاراگوز»، «ەڭلىك — كەبەك»، «ايمان — شولپان»، «تۇنگى سارىن» سپەكتاكلدەرىندەگى سىرىم، كەبەك، ارىستان، ساپا بەينەلەرىن ەرەكشە شەبەرلىكپەن سومدادى. ع. مۇسىرەپوۆتىڭ «اقان سەرى — اقتوقتىسىنداعى» ناۋان، «قوزى كورپەش—بايان سۇلۋداعى» قاراباي، ءا. تاجىبايەۆتىڭ «مايراسىنداعى» ءدۇربىت، ق. مۇحامەدجانوۆتىڭ «بولتىرىك بورىك استىنداعىسىنداعى» ارىستان، ق. تۋعانبايەۆتىڭ « قىزىل قاترانىنداعى» قاتران، ق. مۇحامەتحانوۆتىڭ «كوميسسار ۇاباسوۆىنداعى» سابىرجان، م. سارسەكەيەۆتىڭ «شىڭعىس حيقاياسىنداعى» رامازان، ش. حۇسايىنوۆتىڭ «الدار كوسەسىندەگى» الداركوسە رولدەرى دە قازاق ساحنا ونەرىنىڭ تاريحىندا قالدى. ج. ءابىلقاسىم سونداي- اق، حلەستاكوۆ (ن. ۆ. گوگولدىڭ «ريەۆيزورىندا») ، ترۋففالدينو (ك. گولدونيدىڭ «ەكى مىرزاعا ءبىر قىزمەتشىسىندە») ، ديۋانا (م. كارىمنىڭ «اي تۇتىلعان تۇنىندە») ، اگابو (و. ش. يوسەليانيدىڭ «ارباڭ امان بولسىنىندا») ، ارشين (ۋ. ا. گادجيبەكوۆتىڭ «ارشين مال الانىندا») ، ت. ب. كوپتەگەن ساحنالىق تۇلعالار جاسادى. رەجيسسەر رەتىندە س. ادامبەكوۆتىڭ «ايۋبايدىڭ اجالى»، ا. شامكەنوۆتىڭ «اداسقان قاز»، ب. مۇقايدىڭ «قوش بول، مەنىڭ ەرتەگىم»، ت. ب. پەسالاردى ساحناعا شىعاردى. ول بىرنەشە كينوفيلىمدەرگە ءتۇسىپ، قۇدايمەندە («قان مەن تەردە») ، وراقباي («جاۋشىدا») ، ەرجان («كوگىلدىر تۇماردا») ، ت. ب. ەكراندىق بەينەلەر سومدادى. ج. ءابىلقاسىم — تولعانىس پەن ىشكى كوڭىل كۇي ارپالىستارىنا ەرەكشە كوڭىل بولەتىن ساحنا شەبەرى. «قۇرمەت بەلگىسى» وردەنىمەن جانە مەدالدەرمەن ماراپاتتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى