بايان ەسەنتايەۆا «كەشيۋ» توبىنداعى وزگەرىستەردى جاريالادى

«وسىنداي دا بولادى. بىرەۋ كەلەدى، بىرەۋ كەتەدى، دەگەندەي. ون جىلدىڭ ىشىندە تالاي اندەر شىرقالدى. قانشا جان سۇيسىنەرلىك ىستەر بولدى، تابىستار دا از ەمەس، كۇيىنىشتەر دە ورىن الدى. دەگەنمەن جاقسىلىقتار ەستە قالادى. ءبىزدىڭ سۇيىكتى ءتول پەرزەنتىمىز «كەشيۋ»- ءدىڭ جاڭا ءومىرى باستالماق»، - دەپ جازدى ول Instagram جەلىسىندە. پروديۋسەر وسى جىلدارى توپ قۇرامى بىرنەشە رەت وزگەرگەنىن ەسكە سالدى. «قىزدار وتە تالانتتى ەكەنى ءسوزسىز، ولاردىڭ ءبارى دە ءوز جولدارىن تاپتى، ءسويتىپ، كەشيۋ جاڭارىپ وتىردى. جاقىن ارادا جاڭا «كەشيۋ» ومىرگە كەلەدى» ، دەپ قوستى ب. ەسەنتايەۆا.

ەندى بىردە ول الداعى وزگەرىستەردىڭ كەيبىر ساتتەرىنە توقتالدى. اتاپ ايتقاندا، ول كامشات جولدىبايەۆانىڭ ءوزىنىڭ جەكە مانسابىن باستايتىنىن جەتكىزدى.

ەسكە سالا كەتەيىك، «كەشيۋ» قازاقستاندىق ەستراداداعى تانىمال انشىلەر توبىنىڭ ءبىرى. ءار جىلداردا ونىڭ قۇرامىندا انەل ءارىنوۆا، ءمولدىر اۋەلبەكوۆا جانە جانار دوعالوۆا ءان سالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى