بەلگىسىز بىرەۋ پاريج ماڭىنداعى پوشتادا ادامداردى كەپىلگە الدى

ب ا ق- تاردىڭ مالىمەتىنشە بەلگىسىز بىرەۋ ءۇش ادامدى كەپىلگە الدى. قازىرگى ۋاقىتتا تەلەارنا ەر ادامنىڭ لاڭكەس ەمەس ەكەنىن، ءبىراق قارۋلانعانىن حابارلاپ جاتىر. ر ي ا نوۆوستي پورتالى جەرگىلىكتى رەديوستانتسياعا سىلتەمە جاساپ، كۇدىكتىنىڭ قولىندا اۆتومات پەن تاپانشا بارىن جانە بىرنەشە گراناتاسى بار ەكەنىن جازادى. قازىردە قۇقىق قورعاۋ ورگاندارىنىڭ قىزمەتكەرلەرى پوشتا بولىمشەسىن قورشاپ الدى، تىكۇشاقتار ۇشىپ ءجۇر.

ەسكە سالا كەتەيىك، بۇل فرانسيادا 17 ادامنىڭ ءومىرىن قيعان لاڭكەستىكتەن ەكى اپتا وتكەننەن كەيىن بولىپ جاتىر. 7- قاڭتار كۇنى پاريجدە بەلگىسىز بىرەۋلەر Charlie Hebdo ساتيرا جۋرنالىنىڭ رەداكتسياسىنا وق جاۋدىردى، سالدارىنان 12 ادام قازا تاۋىپ، 20 دان استام ادام جارالاندى. 8- قاڭتاردا فرانسۋز استاناسىنىڭ شەتىندە ورنالاسقان مونرۋجدا ەر ادام اۆتوماتتى قارۋمەن پوليتسيا قىزمەتكەرى مەن جول قىزمەتى اگەنتىن اتىپ تاستادى. ايەل قازا تاپتى، ەر ادام اۋىر جاعدايدا اۋرۋحاعانا جەتكىزىلدى.

7- قاڭتاردا شابۋىل جاساعان ەر ادام ەكى بىردەي كالاشنيكوۆ اۆتوماتىمەن پاريجدىڭ ۆەنسەنكي قاقپاسى ماڭىنداعى سۋپەرماركەتكە باسىپ كىرىپ، وق اتىپ، ادامداردى كەپىلگە الدى. ارنايى قىزمەتتەر دۇكەنگە شابۋىلداپ، قىلمىسكەر وقيعا ورنىندا ولتىرىلەدى. ادامداردى كەپىلگە الۋ كەزىندە 4 ادام قازا تاپتى. شابۋىلداعان ەر ادام 32 جاستاعى امەدي كۋليبالي بولىپ شىقتى. ول - اعايىندى كۋاشيلەردىڭ تانىسى.  Charlie Hebdо رەداكيتسياسىنا شابۋىلداعان اعايىندى سايد پەن شەريف كۋاشيلەر 9- قاڭتاردا داممارتەن-ان-گوەل قالاشىعىندا ءولتىرىلدى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى