تۇرىك مافياسى پاريجدەگى لاڭكەستىڭ سىبايلاسىنىڭ شەكارا اسۋىنا كومەكتەسكەن
بۇل تۋرالى The Mirror گازەتى تۇركيا بارلاۋىنىڭ اقپارات كوزدەرىنە سىلتەمە جاساپ حابارلاپ وتىر.
باسىلىمنىڭ حابارالۋىنشا، پاريجدەگى لاڭكەستىك ارەكەتتى ۇيىمداستىرۋى مۇمكىن دەگەن كۇدىكتى بۋمەددەندى ىستامبۇل اۋەجايىندا تۇركيا مافياسىنىڭ 2 وكىلى قارسى العان. لاڭكەس تۇركيا مەن سيريا شەكاراسىندا ورنالاسقان شانلىۋرفا قالاسىنا دەيىن جەتىپ، ونى سول جەردەگى تۇرىك مافياسىنا تيەسىلى عيماراتقا ورنالاستىرىلعان. كەيىن ول تۇركيانىڭ ەل- ابياد قالاسىنا جەتىپ، سول جەردەن جاياۋ سيريا شەكاراسىنا وتكەن.
تۇركيانىڭ بارلاۋى بۋمەددەندى شەكارا اسىرىپ وتكىزۋ ءۇشىن «يسلام مەملەكەتى» قوماقتى اقشا تولەۋى ءتيىس، سەبەبى بۇل وپەراتسيا وتە قاۋىپتى بولۋى مۇمكىن ەدى دەيدى. باسىلىم حابارلاعانداي، ارنايى قىزمەت قولدارىندا تەلەفون جازبالارى مەن ىستامبۇل اۋەجايىنداعى بەينەباقىلاۋ جازبالارىنىڭ بار ەكەندىگىن العا تارتۋدا فرانسيا پوليسياسى بولسا، امەدي كۋليباليدىڭ سىبايلاسى حايات بۋمەددەندى شابۋىل كەزىندە فرانسيادا بولماسا دا، پاريجدەگى تەراكتتى ۇيىمداستىرۋعا قاتىسى بار دەپ وتىر.
www.24.kz
