كاسىپكەرلەردى قولدايتىن جاڭا باعدارلاما ىسكە قوسىلدى
حولدينگ پەن ونىڭ ەنشىلەس كومپانيالارىنىڭ باسشىلارى، قازاقستان كاسىپكەرلەرى ۇلتتىق پالاتاسىنىڭ وكىلدەرى مەن جامبىل وبلىسى اكىمدىگىنىڭ قىزمەتكەرلەرى باعدارلاماعا قاتىسۋ ءۇشىن شارتتاردى ءتۇسىندىرۋ ماقساتىندا جەرگىلىكتى كاسىپكەرلەرمەن باس قوستى. وسىنداي ءتۇسىندىرۋ جۇمىستارى الداعى ۋاقىتتا بۇكىل رەسپۋبليكا وڭىرلەرىندە وتكىزىلەتىن بولادى.
حولدينگ وكىلدەرىنىڭ سوزىنە قاراعاندا، باعدارلاماعا ءوز ونىمدەرىن ەكسپورتتاعان، سايكەستەنگەن كىرىسى، ءوسىم قارقىنى مەن تۇراقتى قارجى كورسەتىشتەرىنە يە ورتا بيزنەستەگى كاسىپورىندار قاتىسا الادى.
ەكونوميكا سەكتورلارى ىشىندە باسىمدىق ماشينا قۇرىلىسى، تاماق ونەركاسىبى مەن قۇرىلىس زاتتارىن ءوندىرۋ سالالارىنا بەرىلەدى.
باعدارلاما «بايتەرەك» حولدينگىنىڭ ەنشىلەسى قۇرىلىمدارى - «قازاقستان دامۋ بانكى» ا ق، «دامۋ» كاسىپكەرلىكتى دامىتۋ قورى» ا ق، «تەحنولوگيالىق دامۋ جونىندەگى ۇلتتىق اگەنتتىگى» ا ق، «قازىنا كاپيتال مەنەدجمەنت» ا ق جانە «قازەكسپورتگارانت» ا ق ارقىلى جۇزەگە اسپاق.
اتالعان ينستيتۋتتاردىڭ ءارقايسىسى باعدارلامانى جۇزەگە اسىرۋ ءۇشىن ءوز قولداۋ قۇرالدارىن ۇسىنادى. ولاردىڭ ىشىندە - تىكەلەي نەسيەلەۋ، ليزينگتىك كەلىسىمدەردى قارجىلاندىرۋ، پايىز مولشەر اقىلارىن سۋبسيديالاۋ، ەكسپورتتىق ساقتاندىرۋ، ەكسپورت الدىنداعى قارجىلاندىرۋ مەن ساۋدا ۇردىستەرىن قارجىلاندىرۋ جانە يننوۆاتسيالىق گرانتتار بار. ءسويتىپ، باعدارلاما «ءبىر تەرەزە» ۇستانىمى بويىنشا ورتا بيزنەستەگى كاسىپورىندارعا كەشەندى قولداۋ جاساۋعا جول اشادى.
باعدارلامانىڭ جۇزەگە اسۋى ناتيجەسىندە وڭىرلىك جانە الەمدىك نارىقتا باسەكەگە قابىلەتتى بولا الاتىن كومپانيالاردى قۇرۋ مەن شيكىزاتتى ەمەس ەكسپورت پەن يمپورتتا الماستىرۋدىڭ قارقىنىنا قول جەتكىزۋ جوسپارلانىپ وتىر. مۇنىمەن قوسا، ناتيجەسىندە ەڭبەك ونىمدىلىگى مەن سالىق ءتۇسىمىن، سونداي-اق ىشكى جالپى ءونىم كورسەتكىشىن جوعارلاتاتىن جوعارى تەحنولوگيالىق جانە ەنەرگو ۇنەمدى ءوندىرىستى دامىتۋ العا قويىلعان.
حولدينگ پەن ونىڭ ەنشىلەس قۇرىلىمدارىنىڭ باسشىلارى، ۇلتتىق كاسىپكەرلەر پالاتاسى وكىلدەرى مەن وبلىستىق اكىمشىلىكتىڭ قىزمەتكەرلەرى مۇنداي كەزدەسۋدى قازاقستاننىڭ ءار ايماعىندا وتكىزۋدى جوسپارلاپ وتىر. كەلەسى كەزدەسۋ الماتى قالاسىندا وتەدى.
