قاراعاندىدان استاناعا جارتى ساعاتتا ۇشىپ بارۋعا بولادى
بۇل تۋرالى قاراعاندى وبلىسى اكىمىنىڭ ورىنباسارى اسىلبەك دۇيسەبايەۆتىڭ قاراعاندىداعى «سارى-ارقا» اۋەجايىنا بارعان كەزىندە حابارلاندى. كەزدەسۋ بارىسىندا «سارى-ارقا» اۋەجايى اكسيونەرلىك قوعامىنىڭ باسقارما ءتوراعاسى ۆلاديمير بەزرودنىي بۇل رەيستى ىسكە اسىرۋعا BEK AIR اۋە كومپانياسىنىڭ سەرىكتەس بولاتىنىن ايتتى. اۋەجاي باسشىسىنىڭ ايتۋىنشا، قاراعاندىدان استاناعا ۇشىپ بارۋ ۋاقىتى - 25-30 مينۋت. ۇشۋ بيلەتىنىڭ قۇنى ازىرشە بەلگىسىز قالىپ وتىر.
BEK AIR كومپانياسى مەن قاراعاندىلىق اۋەجايدىڭ ماركەتينگ قىزمەتىنىڭ وكىلدەرى جاڭا رەيستىڭ اشىلۋى تۋرالى تولىق مالىمەت وسى جىلدىڭ اقپان ايىنىڭ باسىندا بولاتىنىن مالىمدەدى.
ايتا كەتەيىك، قاراعاندى وبلىسى اكىمىنىڭ ورىنباسارى اسىلبەك دۇيسەبايەۆ «سارى-ارقا» اۋەجايىنىڭ ءبىرقاتار نىسانىن، ناقتىراق ايتساق، ۇشاقتاردى قاۋىپسىز قابىلداۋ مەن ۇشىپ كەتۋىن قامتاماسىز ەتەتىن مامانداندىرىلعان تەحنيكا بوكسىن، جانارماي قۇيۋ جانە اەروۆوكزال كەشەنىن، سونىمەن قاتار، حالىقارالىق جانە جەرگىلىكتى ۇشىپ كەتۋ-ۇشىپ كەلۋ زالىن قاراپ شىقتى.
«جينالىستا جولاۋشىلارعا كورسەتىلەتىن قىزمەت ساپاسىن جەتىلدىرۋگە، ونىڭ ىشىندە كەدەن جانە شەكارا باقىلاۋ ايماقتارىنان جىلدام وتكىزۋگە باستى نازار اۋدارىلدى. حالىقارالىق تا، وبلىس ارالىق تا قوسىمشا اۋە حابارلامالارىنىڭ اشىلۋىنىڭ ماڭىزدىلىعى اتاپ ءوتىلدى»، - دەلىنگەن وبلىس اكىمدىگىنىڭ باسپا ءسوز قىزمەتىنىڭ حابارلاماسىندا.
