لاڭكەستىك جايلى جالعان مالىمەت تاراتقانى ءۇشىن قامالدى
ەۆگەني رىچكوۆ ق ر ق ك «لاڭكەستىك تۋرالى قاساقانا جالعان اقپارات تاراتۋ» بابى بويىنشا ەكى ايعا قامالدى. باسپا ءسوز حاتشىسىنىڭ مالىمەتىنشە، ەر ادامدى قاماۋعا الۋ 2015-جىلى 15- قاڭتاردا ءى ءى د ءوتىنىشى بويىنشا سانكسيالاندى. بۇعان دەيىن پوليتسيا وكىلدەرى رىچكوۆتىڭ توناۋ بويىنشا سوتتى بولعانىن مالىمدەدى.
ەسكە سالا كەتەيىك، وقيعا 13- قاڭتاردا بولدى. باستاپقى كەزدە الماتى اكىمدىگى قورشاۋعا الىنعانى بەلگىلى بولدى، ال جولدىڭ قارسى بەتىندەگى عيماراتتاردا ورنالاسقان ب ا ق وكىلدەرى ەۆاكۋاتسيالاندى. ەر ادام قالالىق اكىمشىلىك عيماراتىنا جارىلعىش زاتپەن كەلدى دەلىندى. كەيىن پوليتسەيلەر رىچكوۆتىڭ ءتارتىپ ساقشىلارىنا بەرىلگەنىن حابارلادى. جارىلعىش زات تۋرالى مالىمەت راستالمادى.
سول كۇنى كەشتە ب ا ق-تاردا ەر ادامنىڭ بىرنەشە تەلەارناعا تەلەفون سوعىپ، ءوزىن ەۆگەني دەپ تانىستىرعانى حابارلاندى. ول كاسىپكەر بولعانىن، بۇعان دەيىن الماتى جوعارى جالپى اسكەري كوماندالىق ۋچيليشەسىندە قىزمەت ەتكەنىن ايتتى. ۇستالعان ەر ادامنىڭ ايتۋىنشا، ول بۇل ارەكەتىمەن وسىدان بىرنەشە جىل بۇرىن شىعارىلعان سوت شەشىمىنە نارازىلىعىن بىلدىرگىسى كەلگەن.
