قازاقستاندىققا انگولا حالقىنا ينتەرناتسيونالدىق كومەگى ءۇشىن مەدال تاپسىرىلدى
بۇدان وتىز جىلعا جۋىق ۋاقىت بۇرىن، 1987-1988-جىلدارى كەڭەس ارمياسىنىڭ پولكوۆنيگى ساتەنوۆ انگولانىڭ وڭتۇستىك-باتىسىنداعى تروپيكالىق ورمانداردا ۇكىمەتتىك ارميا جاۋىنگەرلەرىن دايارلاۋ جونىندەگى نۇسقاۋشى بولىپ قىزمەت ەتتى. ونىڭ بارلىق قىزمەتى 1-بريگادا مەن 20-بريگادا ارالىعىندا ۇشۋمەن ءوتتى.
- مەن وڭتۇستىك-باتىس افريكا حالىقتىق ۇيىمىنىڭ وسى بريگادالاردا كومانديرلەردىڭ كەڭەسشىسى بولدىم، - دەپ ەسكە الادى بۇگىندە ق ر قارۋلى كۇشتەرى ارداگەرلەرى قوعامدىق بىرلەستىگىنىڭ اقتوبە فيليالىنىڭ ءتوراعاسى قاجىمۇقان اساۋ ۇلى. - ءبىرىنشى موتوجاياۋ اسكەرلەرى بريگاداسى لۋبانگو قالاسىنىڭ تۇبىندە ۋنيتا ۇيىمى كوتەرىلىسشىلەرىنە قارسى سوعىستى، ال 20- بريگادا (اندۋلو ماڭىندا) ۇكىمەتتىك اسكەرلەرمەن كۇرەسكەن ناميبيا پاتريوتتارى بولدى. ءسويتىپ، مەنىڭ انگولا مەن نامبيانىڭ قازىرگى تاريحىنا قاتىسىم بار.
«بۇل مەدال ماعان وتە قىمبات، ول مەنىڭ جاس كۇندەرىمدى ەسكە تۇسىرەدى. 2012-جىلى مەن ناميبيا پرەزيدەنتىنەن العىس حات الدىم. مەنىڭ قىزمەتىمنىڭ تاريحى ماسكەۋدە وسى ەل تاۋەلسىزدىگىنىڭ 25 جىلدىعىنا - 2015-جىلعى 1- ساۋىرگە قاراي مەرەيتويلىق بۋكلەت بولىپ شىقپاق، - دەدى ق. ساتەنوۆ.
ق ر مەن كەڭەس وداعى قارۋلى كۇشتەرىنىڭ ارداگەرىنە مەدالدى وبلىستىق قورعانىس ىستەرى دەپارتامەنتىنىڭ باستىعى عالىمجان جانتۋرين تاپسىردى، ونى قارۋلاس دوستارى - «جاۋىنگەرلىك تۋىستىق» قوعامدىق بىرلەستىگىنىڭ مۇشەلەرى قۇتتىقتادى.
