شىعىس قازاقستاندا كۇيەۋىن قاسقىردان قۇتقارىپ العان ايەل ماراپاتتالادى
ەسكە سالا كەتەيىك، شىعىس قازاقستان وبلىسىندا قاسقىر ەكى ەر ادامعا شاپقان ەدى.
«ازىرشە كۇيەۋى اۋرۋحانادا اۋىر جاعدايدا جاتقان كەزدە ونىڭ ماراپات تۋرالى ويلايتىن ۋاقىتى دا جوق شىعار، - دەپ حابارلادى اياگوز اۋدانى اكىمدىگىنىڭ وكىلدەرى، - ارينە، مۇنداي ەرلىك جاساعان ايەلدى ماراپاتتايمىز، ءبىراق ونىڭ قانداي سىيلىق بولاتىنىن ازىرشە انىقتاپ جاتىرمىز».
ەسكە سالا كەتەيىك، 13 - قاڭتاردا جەلدىقارا اۋىلىندا اداسقان قاسقىر جەرگىلىكتى تۇرعىنعا تاپ بەرىپ، ونى تالاي باستاعان.
ودان كەيىن وزىنە جاقىنداپ كەلە جاتقان تاعى ءبىر ەر ادامدى كورىپ، وعان دا شابۋىلدادى. ءبىراق ۇيدەگى ايەلى كۇيەۋىنىڭ داۋىسىن ەستىپ، قولىنا پىشاق الا سالا كومەككە كەلەدى. ول اڭدى قۋىپ، باۋىزداپ تاستايدى. قاسقىردىڭ شابۋىلىنان جاراقات العان ەر ادام اۋداننىڭ ورتالىق اۋرۋحاناسىنا جەتكىزىلدى. ەكى ەر ادامعا دا قۇتىرماعا قارسى ەكپە سالىندى. ولاردىڭ ومىرىنە قاۋىپ ءتونىپ تۇرعان جوق.
ايتا كەتەيىك، 2013 - جىلى قىركۇيەكتە ماڭعىستاۋ وبلىسىندا وسىعان ۇقساس وقيعا بولىپ، ول كەزدە دە قاسقىر ولتىرىلگەن بولاتىن. جەرگىلىكتى تۇرعىن داۋلەت تۇيەشيەۆ ارت جاعىنان كەلىپ شابۋىلداعان قاسقىردى بۋىندىرىپ ءولتىردى. جىرتقىش ونىڭ ارقاسىنا جابىسىپ، قولى مەن اياعىن تىستەپ الدى. داۋلەت ومىرىنە قاۋىپ تونگەنىن ءتۇسىنىپ، ونى بار كۇشىمەن بۋىندىردى. العان جاراقاتتارىمەن كەيىن اۋرۋحاناعا باردى.
