الماتىدا اكىمدىك عيماراتىن «جارماق بولعان» ەر ادام قاماۋعا الىندى

بۇل تۋرالى قالالىق سوتتىڭ باسپا ءسوز حاتشىسى قۋاندىق ەشىمەت حابارلادى.

«سوت ەۆگەني رىچكوۆتى ق ر ق ك 273-بابى بويىنشا (تەرروريزم جاسالۋى تۋرالى جالعان حابار) ەكى ايعا قاماۋعا الۋ تۋرالى شەشىم شىعاردى»، - دەدى ول.

ەستەرىڭىزگە سالا كەتەيىك، رىچكوۆ ەۆگەني 13 - قاڭتاردا ساعات 11.25 تە الماتى قالاسى اكىمدىگى عيماراتىنىڭ كۇتۋ بولمەسىن ىشتەن جاۋىپ العان بولاتىن. جەدەل ارەكەت ەتۋ قىزمەتى ونىڭ بومبا سالىنعان چەمودان بارىن حابارلاعانىن جەتكىزدى. ونىڭ تاراپىنان ەشقانداي تالاپتار قويىلمادى، دەپ حابارلايدى ءى ءى د وكىلدەرى.

كەلىسسوزدەر جۇرگىزۋ ناتيجەسىندە ول پوليتسياعا ءوز ەركىمەن بەرىلدى. كەيىن بەلگىلى بولعانداي، قۇقىق قورعاۋ ورگاندارى رىچكوۆتىڭ ارەكەتى 2008 - جىلعى ازاماتتىق ءىستىڭ ونىڭ پايداسىنا شەشىلمەۋىنە بايلانىستى نارازىلىعىنان تۋىنداعان دەپ ءتۇسىندىردى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى