مۇقاعالي ماقاتايەۆ اتىنداعى اقىندار بايقاۋى وتەدى

بايقاۋ ەكى كەزەڭنەن تۇرادى:

- بايقاۋدىڭ ىرىكتەۋ كەزەڭى ۇستىمىزدەگى جىلدىڭ 17 - اقپانىندا وتەدى؛

 - رەسپۋبليكالىق بايقاۋ شىلدە ايىندا وتكىزىلەدى. ناقتى ۋاقىتى، وتەتىن جەرى قوسىمشا حابارلانادى.

بايقاۋعا 20-30 جاس ارالىعىنداعى جاستار قاتىسا الادى.

 بايقاۋ 3 تاپسىرما بويىنشا وتكىزىلەدى:

  I. «پوەزيا، مەنىمەن ەگىز بە ەدىڭ؟ !»

 قاتىسۋشىنىڭ م. ماقاتايەۆقا ارناعان ولەڭى. بۇل تۋىندى اقىننىڭ پوەزيادا الاتىن ورنىن، ايرىقشا اقىندىق «مەنىن» ، سۋرەتكەرلىك بەينەسىن، قالامگەرلىك شەبەرلىگىن تانىتا الارلىق شىعارما بولۋى شارت. ولەڭنىڭ يدەيالىق مازمۇنى تەرەڭ جانە كوركەمدىك دەڭگەيى جوعارى بولۋى ءتيىس.

 II. «.. . ال، ەكىنشى باقىتىم -  ءتىلىم مەنىڭ»

 قاتىسۋشىنىڭ ءتىل تاقىرىبىنا ارنالعان ولەڭى. انا ءتىلىمىزدىڭ باعا جەتپەس بايلىعى، ءسوز قۇدىرەتى، سونىمەن بىرگە بابالاردان قالعان اسىل قازىنامىز جانە مەملەكەتتىڭ باستى ءتىلى ەكەندىگى كورىنىس تابۋى ءتيىس.

III. «بولاشاعىم، سەن تۇرساڭ مەن ولمەسپىن!»

 -  «كۇندەلىك جاز، جارقىنىم!»

اقىننىڭ كۇندەلىگىنەن سىر شەرتۋ، وي تولعاۋ.

 - «ەسىڭە مەنى العايسىڭ» .

 اقىننىڭ ولەڭىنە جازىلعان ءان ورىنداۋ. قاتىسۋشىنىڭ قالاۋىمەن 3- تاپسىرمانىڭ تەك بىرەۋى عانا ورىندالۋى ءتيىس.

 ءار تاپسىرما جاتقا جانە شىعارمانىڭ مازمۇنىن تەرەڭ جەتكىزەتىندەي مانەرلى ورىندالۋى شارت. وقىلاتىن شىعارمالار كولەمى 2-3 مينۋتتان اسپاۋى كەرەك؛

بايقاۋ شارتتارى:

قاتىسۋشى تالاپكەرلەردەن تومەندەگى قۇجاتتار قابىلدانادى:

 -  بايقاۋعا قاتىسۋعا ءوتىنىشى، قاتىسۋشى تۋرالى مالىمەت (تۋعان جىلى، قىزمەتى نەمەسە وقۋ ورنى، انىقتاما تەلەفونى) ؛

 -  شىعارماشىلىق ءومىربايانى، بۇرىن جاريالانباعان ولەڭدەرىنىڭ ەلەكتروندى نۇسقاسى؛

 -  جەكە كۋالىگىنىڭ كوشىرمەسى؛

قاتىسۋشىلاردىڭ ولەڭدەرىن قازىلار القاسى ساراپتايدى، تالاپقا ساي ەمەس ولەڭدەر بايقاۋعا جىبەرىلمەيدى؛

 ەسكەرتۋ:

 ۇمىتكەرلەردىڭ ونەرىن باعالاۋ كەزىندە قازىلار القاسى:

 - ءسوز قولدانىسىنا، ۇيقاسىنا، وي جۇيەلىلىگى مەن تەرەڭدىگىنە، كوركەمدىك ەرەكشەلىگىنە؛

 - شىعارمالارىن جاتقا جانە مانەرلەپ وقۋ شەبەرلىگىنە؛

 - ءتىل تازالىعىنا، ساحنا مادەنيەتى مەن كيىمىنە باسا نازار اۋدارادى.

 بايقاۋ جەڭىمپازدارى باعالى سىيلىقتارمەن، ديپلومدارمەن ماراپاتتالادى.  I ورىن يەگەرىنە رەسپۋبليكالىق بايقاۋعا جولداما بەرىلەدى.

بايقاۋعا قاتىسۋشى ۇمىتكەر جوعارىدا كورسەتىلگەن قۇجاتتاردى، ولەڭدەردى (قاعاز جانە ەلەكتروندى نۇسقاسى) 2015 - جىلعى 13 -اقپانعا دەيىن تومەندەگى مەكەن- جايعا تاپسىرۋى ءتيىس:

 استانا قالاسىنىڭ تىلدەردى دامىتۋ باسقارماسى (بەيبىتشىلىك كوشەسى، 11 ءۇي، 628 كابينەت) .

بايلانىس تەلەفوندارى: 55-67-26, 55-72-86 ف.

E-mail: g.elembaeva@uya.astana.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى