ۇلتتىق بانك بيىل ايىرباس باعامىنىڭ كۇرت وزگەرۋىن بولدىرماۋعا نيەتتى - ق. كەلىمبەتوۆ
بۇل تۋرالى اقوردانىڭ رەسمي سايتىنان حابارلاندى.
ۇلتتىق بانك ءتوراعاسى ق. كەلىمبەتوۆ وتكەن جىلدىڭ قورىتىندىلارى مەن الداعى كەزەڭگە ارنالعان ماكرو ەكونوميكالىق ساياساتتىڭ نەگىزگى باعىتتارى تۋرالى باياندادى.
- 2014 - جىلى قازاقستان ەكونوميكاسىنىڭ بەرىكتىگى ەداۋىر نىعايدى. ەلدىڭ التىن- ۆاليۋتا رەزەرۆى 102 ميلليارد دوللارعا جەتتى، سونىڭ ىشىندە ۇلتتىق قور 73 ميلليارد دوللارعا دەيىن ءوستى. «نۇرلى جول» باعدارلاماسىن جۇزەگە اسىرۋمەن بىرگە العاندا، بۇل 2015 - جىلعا ارنالعان ەكونوميكالىق ساياساتتى سەنىمدى قالىپتاستىرۋعا مۇمكىندىك بەرەدى. ۇلتتىق بانك بيىل ايىرباس باعامىنىڭ كۇرت وزگەرۋىن بولدىرماۋعا نيەتتى، - دەدى ق. كەلىمبەتوۆ.
ۇلتتىق ەكونوميكا ءمينيسترى ە. دوسايەۆ نەگىزگى ءۇش سسەناريدى ازىرلەۋ بارىسىندا مۇناي باررەلى قۇنىنىڭ تۇرلىشە نۇسقاسى قاراستىرىلعانىن ايتتى.
- بۇگىندە مەملەكەت باسشىسىنىڭ جولداۋدا قويعان مىندەتتەرىن جۇزەگە اسىرۋعا قاجەتتى بارلىق قۇرالدار بار. «نۇرلى جول» باعدارلاماسى بيىل ۇكىمەتتىڭ كونترسيكلدىق ەكونوميكالىق ساياساتىن ىسكە اسىرۋدىڭ نەگىزگى «وزەگى» بولادى. سونىمەن قاتار، پراكتيكالىق سيپاتتاعى شارالار جيىنتىعى، سونىڭ ىشىندە ونەركاسىپ كاسىپورىندارىن قولداۋدىڭ 2015 - جىلعا ارنالعان جوسپارى، مەملەكەت- جەكەمەنشىك سەرىكتەستىگىن دامىتۋ، جاڭا جانە تۇراقتى جۇمىس ورىندارىن اشۋ شارالارى ازىرلەندى، - دەدى ە. دوسايەۆ.
ءوز كەزەگىندە قارجى ءمينيسترى ب. سۇلتانوۆ بيۋدجەت سالاسىنداعى بىلتىرعى جىلدىڭ الدىن الا قورىتىندىلارى، فيسكالدىق ورگاندار الدىندا تۇرعان 2015 - جىلعا ارنالعان مىندەتتەر تۋرالى باياندادى.
- 2014 - جىلدىڭ ناتيجەلەرى بويىنشا مەملەكەتتىك بيۋدجەتتىڭ ولشەمدەرى ورىندالدى. «نۇرلى جول» باعدارلاماسىنىڭ اياسىندا بولىنەتىن قاراجات جانە ۇلتتىق قوردان الىنعان 1 تريلليون تەڭگە كوزدەلگەن ماقساتقا جەتەدى. بۇل ورايدا باقىلاۋشى جانە سالىق ورگاندارىنىڭ جۇمىسى قامتاماسىز ەتىلەدى، - دەدى ب. سۇلتانوۆ.
