سارا برايتمان عارىش ستانتسياسىنا ۇشۋعا دايىندىعىن باستايدى
دەپ حابارلادى ع د و باسپا ءسوز قىزمەتىنەن.
قۇرامىندا جۇلدىزدى ءانشى بار ح ع س- قا كەزەكتى حالىقارالىق ەكيپاجى 2015 - جىلعى 4 - قازاندا ۇشادى. بار اقپاراتقا سۇيەنسەك، برايتمانمەن بىرگە ەكيپاجعا رەسەيلىك عارىشكەر سەرگەي ۆولكوۆ پەن ەۋروپالىق عارىش اگەنتتىگىنىڭ استروناۆتى اندرەاس موگەنسەن تاعايىندالدى.
بەلگىلى بولعانداي، برايتمان بۇدان بۇرىن ر ع ا مەديسينالىق- بيولوگيالىق پروبلەمالار ينستيتۋتىندا مەديسينالىق كوميسسيادان ءوتىپ، ۇشىرىلىمعا دايىندىققا رۇقسات العان. س. برايتماننىڭ الەمدىك ساپارىنىڭ اياقتالعانىنا ءبىر جىلدان استى، ەندى ول جاڭا تەكسەرۋدەن وتەدى، سەبەبى بۇرىنعى قورىتىندى جارامسىز. قاعيداعا سايكەس ەكيپاج مۇشەلەرىن بەكىتۋ جونىندەگى باس مەديسينالىق كوميسسيانىڭ شەشىمى ۇشىرىلىمعا دەيىن شامامەن 40 تاۋلىك بۇرىن شىعارىلادى.
ون تاۋلىككە عارىشقا ۇشۋدى جوسپارلاعان سارا برايتمان ح ع س- قا بارعان سەگىزىنشى «عارىش قوناعى» بولماق.
ءانشىنىڭ دۋبلەرى - جاپونيا ازاماتى ساتوشي تاكاماتسۋ، ول دا دايىندىققا كەلدى.
