اتوم ەلەكتر ستانساسىنان شىققان قالدىقتار سەمەيدەگى پوليگوندا كومىلۋى مۇمكىن - ب. جاقساليەۆ
«اتوم ەلەكتر ستانسالارىنىڭ جۇمىس جاساۋ قابىلەتتىلىگى كەمىندە 60 جىل بولادى. سوندىقتان ونى سالۋدى جوسپارلاپ جاتقاننىڭ وزىندە قالدىقتارىن قايدا كومۋ كەرەك دەگەن ماسەلە تۋىندايدى. ال قازاقستاندا مۇنداي قالدىقتاردى كومەتىن جەر سەمەي سىناق پوليگونى بولۋى مۇمكىن»، - دەدى ب. جاقساليەۆ جۋرناليستەردىڭ سۇراقتارىنا جاۋاپ بەرۋ كەزىندە.
ونىڭ ايتۋىنشا، بۇگىندە ادامزات بالاسى اتومدىق قالدىقتاردى باسقالاي زالالسىزداندىرۋدىڭ جولدارىن ءالى تابا قويعان جوق.
«قالدىقتاردى زالالسىزداندىرۋ ماسەلەسى وتە كۇردەلى، دەگەنمەن قازىر الەم بويىنشا ونىڭ ناقتى شەشىمى جوق. بۇگىنگى تاڭدا قازاقستاندا قالدىقتاردى كومۋ ماسەلەسى ونشا قيىندىق تۋعىزىپ وتىرعان جوق. بۇرىنىراقتا اقتاۋ قالاسىندا ىستەپ تۇرعان ب ن-350 رەاكتورىنان شىققان قالدىقتار دا وسى سەمەيدەگى پوليگونعا كومىلگەن. وسى كومۋ ورنىنىڭ تيىمدىلىگى مەن قاۋىپسىزدىگى ۇنەمى باقىلانىپ وتىرادى جانە كورسەتكىشتەرى م ا گ ا ت ە بەلگىلەگەن ستاندارتتاردىڭ بارلىعىنا جاۋاپ بەرەدى»، - دەپ قورىتىندىلادى ب. جاقساليەۆ.
اۆتور: ءابۋ- اسقار مەكەش ۇلى
