قازاق- وزبەك شەكاراسىندا كەپتەلىس بولماۋى كەرەك - ق. ايتاحانوۆ

ەسكە سالايىق، جيىندا «2000 - جىلعى 7 -  شىلدەدەگى قازاقستان رەسپۋبليكاسىنىڭ ۇكىمەتى مەن وزبەكستان رەسپۋبليكاسىنىڭ ۇكىمەتى اراسىنداعى ازاماتتاردىڭ ءوزارا ساپارلارىنىڭ شارتتارى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى تالقىلانىپ، قابىلدانعان بولاتىن.

«قازاقستاننىڭ شەكاراسىنان وزبەكستانعا قاراي ازاماتتار ەش كەدەرگىسىز وتەدى. ويتكەنى، وتكىزۋ پۋنكتىندە 5-6 «تەرەزە» جۇمىس ىستەيدى، ءمور باسىلىپ، پاسپورت تەكسەرىلەدى دە ازاماتتار وتە بەرەدى. الايدا، وزبەكستان جاعىنا كەلگەندە ءبىزدىڭ ازاماتتار ەڭ ازى 3-4 ساعات، ءتىپتى جارتى كۇن بويى تۇرىپ قالادى. ولاردا ءبىر عانا «تەرەزە» جۇمىس ىستەيدى. البەتتە، بۇل وزبەكستاننىڭ ءوز شارۋاسى شىعار. الايدا سىرتقى ىستەر مينيسترلىگى ارقىلى كورشىلەس مەملەكەتتىڭ قۇزىرەتتى ورگانىمەن بۇل ماسەلەنى شەشۋگە كۇش سالىنسا يگى»، - دەيدى سەناتور.

ونىڭ ايتۋىنشا، شەكارادان وتۋگە كەدەرگىلەر كەلتىرمەۋ، ونى ازايتۋ ەكى ەلدىڭ ازاماتتارى ءۇشىن دە ۇلكەن سۇرانىستى تۋدىرىپ وتىر.

ال قابىلدانعان زاڭنىڭ قوسىمشالارىندا ازاماتتاردىڭ ەكى ەل اۋماعىندا كىرۋى، شىعۋى جانە بولۋى ءۇشىن قۇجاتتار تىزبەسى بەكىتىلگەن. قوسىمشا قۇجاتتار تىزبەسىنە ديپلوماتيالىق پاسپورت، وزبەكستان ازاماتىنىڭ بيومەتريالىق پاسپورتى، وزبەكستان رەسپۋبليكاسىنىڭ 16 جاسقا تولماعان ازاماتتارىنىڭ كۋالىگى، قايتىپ ورالۋعا ارنالعان سەرتيفيكات قوسىلدى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى