جەڭىس ىسقاقوۆا يتىنە «قالىڭدىق» ىزدەپ ءجۇر
ماقالا اۆتورى جۇمامۇرات ءشامشى ءانشىنىڭ يتىنە تورگە توسەك سالىپ بەرىپ، ءتىپتى، وعان «قالىڭدىق» ىزدەگەنىن سىناعان.
«ك ت ك تەلەارناسىنداعى ءبىر باعدارلامادان بەلگىلى ءانشى جەڭىس ىسقاقوۆا قاسىنداعى يتىنە قاراپ سويلەپ تۇر. «مىنا ءيتتى كۇشىگىنەن اسىراپ العانمىن، وسى ءۇيدىڭ مۇشەسىندەي بولىپ كەتتى، وتاعاسى بولماعان سوڭ، تورگە توسەك سالىپ بەرەمىن. ك ت ك تەلەارناسىنىڭ كورەرمەندەرىنىڭ قۇلاقتارىنا التىن سىرعا، كىمنىڭ قىز كۇشىگى بولسا، مەن قۇدا تۇسۋگە دايىنمىن، قۇدا بولايىق»، - دەپ ىرجالاڭداپ قويادى. قازاقتىڭ يتكە توردەن توسەك سالىپ بەرگەنىن ەستىمەگەن ەدىك»، - دەيدى ماقالا اۆتورى.
اۆتوردىڭ ايتۋىنشا، قازاق ءيتتى جەتى قازىنانىڭ بىرىنە بالاعانىمەن، ءۇيىنىڭ تورىنەن ورىن بەرىپ، قوينىنا الىپ جاتپاعان.
«ءدۇيىم جۇرتتىڭ الدىنا شىعىپ يتىنە «قالىڭدىق» ىزدەگەنى ەكراننىڭ ارعى جاعىنداعى قالىڭ كورەرمەن قاۋىمدى سىيلاماعانى ەمەس پە؟ «يتىمە ءار ەكى ساعات سايىن ءسۇت بەرىپ، ۇيىقتاتامىن. ارنايى اس ازىرلەپ، بازاردان ەت، شۇجىق الىپ، ءپىسىرىپ بەرەمىن. قاراسۋعا قايناعان ەت پەن ماكاروندى جەمەيدى» دەپ تويىنعانى دا دۇرىس ەمەس»، - دەلىنگەن ماقالادا.
«بۇدان ءبىراز ۋاقىت بۇرىن «ءيتىم ءۇشىنشى ۇلىمداي بولىپ كەتكەن» دەپ ءدۇيىم جۇرتتى دۇرلىكتىرگەن ىسقاقوۆانىڭ يتتەن باسقا تىرلىگى قالماعان با دەپ قالاسىڭ»، - دەپ اۆتور ءانشىنىڭ بۇل ارەكەتىنە نارازىلىعىن بىلدىرگەن.
nur.kz
