اقتوبەدە دارىگەرلەر جاستارعا ۇيلەنبەي تۇرىپ تەكسەرىلۋگە كەڭەس بەردى
اسىرەسە جاس وتباسىلار ءسابيلى بولماي تۇرىپ دەنساۋلىقتارىن تەكسەرتپەيدى. كەيبىر كەلىنشەكتەر جۇكتىلىك كەزىندە تۇرمىستىق قيىندىقتارعا توزە الماي كۇيزەلىسكە ۇشىرايدى ەكەن.
مۇنىڭ سالدارى ىشتەگى شاراناعا بەرىلىپ، بالانىڭ اۋرۋ بولىپ تۋىلۋىنا اكەپ سوعادى. ەندى سولاردى قاتارىنان قالدىرماۋ ءۇشىن جەرگىلىكتى جەرلەردە ارنايى ورتالىقتار اشىلىپ جاتىر.
ۇيلەنبەي تۇرىپ قارجىلىق جاعدايىنا دەيىن رەتتەپ الۋى كەرەك.
اقشا جەتپەي، ۇرسىسىپ جاتاتىندارى دا جەتكىلىكتى.
قازىر اقتوبە وبلىسىندا بەس مىڭنان استام دامۋ مۇمكىندىگى شەكتەۋلى بالا تىركەلگەن. ولاردىڭ تەڭ جارتىسىنا ارنايى كوميسسيا مۇگەدەك دەپ قۇجات تولتىرىپ، ءمور باسقان ەكەن. وسىنداي بۇلدىرشىندەر جىل ساناپ كوبەيىپ كەلە جاتقانىنا ماماندار الاڭداپ وتىر.
«مۇگەدەك بالالار سانى جىل سايىن ارتىپ كەلەدى. اسىرەسە ءبىرىنشى ورىندا تۋا ءبىتتى دەرتتى بولعان سابيلەر تۇر. ودان سوڭ جۇيكە جۇيەسى اۋىراتىن، اقىل-ەسى كەم بالالار دا ارتىپ كەلەدى»، - دەيدى اقتوبە وبلىسى جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى يوننا ۆاليۋلوۆا.
ماماندار مۇگەدەك بالالاردىڭ كوبەيۋىنە اتا-انالاردى كىنالايدى. اسىرەسە، جاس وتباسىلار جاتىرىنا بىتكەن شاراناسىنا جاۋاپسىزدىقپەن قارايدى ەكەن.
تۇرمىستىق قيىندىقتى كوتەرە الماي كۇيزەلىكە ۇشىرايتىن كەلىنشەكتەر ءجيى كەزدەسەدى. اشۋشاڭ ايەلدەن ارۋ بالا تۋادى دەيدى ماماندار.
«جۇكتىلىكتى جاستار جوسپارلامايدى. ۇيلەنبەي تۇرىپ قارجىلىق جاعدايىنا دەيىن رەتتەپ الۋى كەرەك. اقشا جەتپەي، ۇرسىسىپ جاتاتىندارى دا جەتكىلىكتى. مۇنداي كەلەڭسىز جاعدايدا ساۋ بالا دۇنيەگە كەلەدى مە؟»، - دەدى اقتوبە قالالىق پسيحولوگيالىق-پەداگوگيكالىق تۇزەتۋ كابينەتىنىڭ مەڭگەرۋشىسى ياپىراي تولەنوۆا.
دەرتتى بوپ تۋعان بالانى ساۋىقتىرۋعا ەلىمىزدە ءالى جاعداي جاسالماعان. اقتوبەدە اشىلعان جاڭا ورتالىقتىڭ ءوزىنىڭ جىلىنا نەبارى ءجۇز ءبۇلدىرشىندى قابىلداۋعا مۇمكىندىگى بار. ءبىراق وعان دا اتا- انالار شۇكىرشىلىك ەتىپ وتىر.
مۇگەدەك بالالار سانى جىل سايىن ارتىپ كەلەدى. اسىرەسە ءبىرىنشى ورىندا تۋا ءبىتتى دەرتتى بولعان سابيلەر تۇر.
«ماسساجدىڭ ءوزىن جالداۋ اقشا. ءبىر ماسساجى ەكى مىڭ تەڭگە. بالامىز بەرى قاراپ، وڭ ناتيجەسىن بەرسىن دەپ سوعان ءار ۋاقىتتا اپارامىز. مىسالى ورەنبۋرگقا لوگوپەدكە اپارامىز»، - دەيدى اقتوبە قالاسىنىڭ تۇرعىنى ورالحان ساعىنباي قىزى.
ماماندار ومىرگە دەنى ساۋ بالا كەلۋ ءۇشىن ۇيلەنبەك بولعان جاستاردى نەكە قياردان بۇرىن ءبىر اپتالىق پسيحولوگيالىق دارىستەن وتۋگە مىندەتتەۋ كەرەكتىگىن ايتادى.
ول جەردە دەنساۋلىققا قاتىستى، جۇكتىلىك، وتباسىنداعى ۇرىس-كەرىستەن ارىلۋ جولدارى ۇيرەتىلسە دەگەن نيەتتەرىن دە ايتادى. سول كەزدە عانا مۇگەدەك بالالار سانى ازايادى دەپ سەنەدى.
