امەريكالىق ايگىلى ءانشى گەننادي گولوۆكينگە جاڭا ءانىن ارنادى - كەسكىن

«گولوۆكيننىڭ جاڭا ءانۇرانى - Good Boy Killa ءانىن دايىنداپ جاتىرمىن. ەگەر سىزدەرگە Mexican Style ءانى ۇناسا، بۇل ءاندى دە ۇناتاسىزدار»، - دەدى ءانشى Instagram جەلىسىندەگى پاراقشاسىندا. ازىرشە مۋزىكانت وزگە مالىمەتتەردى اشىپ ايتپادى.

Vesti.kz سپورت پورتالى جاڭا ترەكتىڭ 21- اقپاندا، گەننادي گولوۆكيننىڭ اعىلشىن مارتين ميۋررەيمەن موناكودا جۇدىرىقتاساتىن كۇنى شىعۋى مۇمكىن ەكەنىن جازادى. ايتا كەتەيىك، بۇعان دەيىنگى Mexican Style ءانى قازاقستاندىقتىڭ مەكسيكالىق ماركو انتونيو رۋبيومەن كەزدەسكەن كۇنى شىققان ەدى. كەزدەسۋ ا ق ش- تا 18- قازاندا ءوتىپ، قازاقستاندىقتىڭ جەڭىسىمەن اياقتالعان بولاتىن.

ەسكە سالا كەتەيىك، ماريو رۋيز ومار كرۋزبەن بىرگە بەينەبايان تۇسىرگەن. ونىڭ باس كەيىپكەرى قازاقستاندىق بوكسشى - گەننادي گولوۆكين. ۆيدەو بوكسشىنىڭ «مەنىڭ ءستيلىم - مەكسيكالىق ستيل. بۇل ويىن ەمەس، بۇل شايقاس. مەن شايقاستى جاقسى كورەمىن» دەگەن سوزىنەن باستالادى. ال وسىعان دەيىن بەينەباياننىڭ بوكسشىنىڭ كاسىبي مانساپ جولىنداعى كەزدەسۋلەرىنىڭ ءتۇرلى ساتتەرىنەن جيناقتالعانى حابارلانعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى