افريكانىڭ فۋتبولشى قىزى جىنىسىن دالەلدەۋ ءۇشىن شەشىندى

وقيعا 2008-جىلى بولعان. انونمانىڭ ايتۋىنشا، افريكا فۋتبول كونفەدەراتسياسىنىڭ باسشىلىعى انونمانىڭ نازىك جاندىلار قاتارىنان ەكەنىنە كۇماندانىپتى. سەبەبى ول ءار كەزدە قاۋقارلى ءارى قۋاتتى ويىن ورنەگىن كورسەتكەن. ءبىراق ول ەشقاشان گەندەرلىك تەستتەن وتپەگەن، تەك كيىمىن شەشۋگە ءماجبۇر بولعان. «مەنىڭ كوڭىلىم قاتتى ءتۇستى، جىلادىم»، - دەيدى فۋتبولشى.

Lenta.ru باسىلىمى 27 جاستاعى جەنوۆيەۆا انونمانىڭ ەكۆاتورلىق گۆينەيا قۇراماسىندا 2002-جىلدان باستاپ ويناپ كەلە جاتقانىن جازادى. ول قۇراما ساپىندا 32 ويىن ويناپ، 18 گول سوققان. كلۋب دەڭگەيىندە انونما نەمىستىڭ پوستدام قالاسىنىڭ «تۋربينە» كلۋبىندا وينايدى. 2011/12 ماۋسىمىندا شابۋىلشى قىز 22 دوپ سوعىپ، گەرمانيانىڭ ايەلدەر اراسىنداعى چەمپيوناتىندا بومباردير اتانعان. بۇدان كەيىن ول افريكانىڭ 2012-جىلعى ۇزدىك فۋتبولشىسى اتاعىن جەڭىپ الدى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى