قازاق حاندىعى تۋرالى سەريالعا قىتاي مەن ا ق ش ماماندارى قاتىسادى

«قازاقفيلم» كينوستۋدياسىندا قازاق حاندىعى تۋرالى سەريال ازىرلەنۋ ۇستىندە. بەلگىلى پروديۋسسەر، رەجيسسەرلاردان (ت. جاقسىلىقوۆ، س. ەلۋباي، ر. نۇعمانوۆ، ي. احمەت، ا. اسەنوۆ، ا. ساتايەۆ، ر. ابدراشيەۆ) تۇراتىن جۇمىس توبى قۇرىلدى. العاشقى ءتۇسىرىلىم جۇمىستارى 2015-جىلى باستالىپ، فيلم قازاق تىلىندە تۇسىرىلەدى. ورىس تىلىندە دۋبلياج جاسالماق.

سونىمەن قاتار، قازاقپارات ۆەدومستۆوعا ساۋالىندا تۇسىرىلگەن فيلمدى بولاشاقتا وزگە ەلدەردىڭ تەلەارنالارىنان كورسەتۋ مۇمكىندىگىن سۇرادى. مينيسترلىكتىڭ حابارلاۋىنشا، ارىپتەستىك ورناتقان ەلدەردىڭ تەلەارنالارىندا كورسەتىلۋى مۇمكىن. ولاردىڭ قاتارىندا تۇركيا، رەسەي، ب ا ءا، مىسىر، يوردانيا، گرەكيا، يزرايل، تايۆان، سينگاپۋر جانە تاعى باسقالارى بار. قىتايدىڭ CCTV تەلەارناسىمەن كەلىسسوزدەر جۇرگىزىلۋدە.

ۆەدومستۆونىڭ حابارلاۋىنشا، بۇل جالعىز تاريحي كينوتۋىندى عانا بولىپ قالماق ەمەس. مينيسترلىكتە «ماڭگىلىك ەل» ۇلتتىق فيلمدەر ءوندىرىسى بويىنشا، ارنايى باعدارلاما جاسالدى.

اتالعان جوبا بويىنشا، قازاقستاننىڭ جەتەكشى ماماندارىنىڭ قاتىسۋىمەن 2015-2017-جىلدار ارالىعىندا تانىمال جانرلاردا فيلمدەر مەن سەريالدار ءتۇسىرىلۋ كوزدەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى