جوعارعى وقۋ ورنىندا «جالعان» عالىمدار جۇمىس جاساعان
وبلىس پروكۋراتۋراسىنىڭ باسپا ءسوز قىزمەتىنەن تۇسكەن مالىمەتكە قاراعاندا، اتالعان مەكەمە قۇرامىنا ينستيتۋت ەسەبىندە بەس بىردەي وقۋ ورنى، اتاپ ايتقاندا، باتىس قازاقستان ينجەنەرلىك-تەحنولوگيالىق ۋنيۆەرسيتەتى، قازاقستان يننوۆاتسيالىق جانە تەلەكوممۋنيكاتسيالىق جۇيەلەر ۋنيۆەرسيتەتى، باتىس قازاقستان گۋمانيتارلىق اكادەمياسى، باتىس قازاقستان «ەۋرازيا» تىلدەر جانە مەنەدجمەنت ينستيتۋتى، ورال ەڭبەك جانە الەۋمەتتىك قاتىناستار اكادەمياسى ەنگەن. الايدا، بۇلاردىڭ ءبارى ەكونوميكالىق جانە زاڭدىلىق جاعىنان دەربەستىگىن ساقتاعاندىقتان، وڭتايلاندىرۋ فورمالدى تۇردە سيپات العان.
ياعني، ءارقايسىسىنىڭ ءوز اتاۋى مەن ءمورى، بانكتىك ەسەپشوتتارى، ديرەكتورى قول قوياتىن بۇيرىق كىتابى بولعان، قۇرىلتايشىلارىمەن شەتەلدىك ج و و- لارمەن كەلىسىم-شارتتار دەربەس جاسالىپ وتىرعان. بۇل زاڭعا قايشى كەلەدى. سونداي-اق، وقىتۋشىلارى بىلىكتىلىك تالاپتارىنا سايكەس كەلمەگەن. ايتالىق، 229 وقىتۋشى - عىلىم كانديداتىنىڭ 130 ى، 52 عىلىم دوكتورىنىڭ 48- ءى جۇمىس جاسامايدى.
بۇل رەتتە «جالعان» عالىمدار - رەسەي، قىرعىزستان جانە وزبەكستان ازاماتتارى. ولاردىڭ جەكە ءىس قاعازدارى، ءومىرباياندارى عالامتوردان الىنعان مالىمەتتەر نەگىزىندە تولتىرىلعان، سۋرەتتەرى سول عالىمدار شتاتتا تۇراتىن ج و و- لار سايتىندا ورنالاستىرىلعان فوتولارعا ۇقساس، قولتاڭبالارىندا ايىرماشىلىق بار. وسىنى ەسەپكە العاندا، عىلىمي اتاعى بار وقىتۋشىلار سانى 29,3 پايىزدى قۇرايدى، بۇل بىلىكتىلىك تالاپتارىندا كورسەتىلگەن كورسەتكىشتەن (كەمىندە 50 پايىز) تومەن.
بۇدان باسقا 1154 ستۋدەنتتىڭ ديزاين ماماندىعى بويىنشا بەس جىلدىقتىڭ ورنىنا ءتورت جىلدىق وقۋعا زاڭسىز قابىلدانعانى انىقتالدى. كۇندىزگى جانە سىرتتاي بولىمدەردە وقيتىن ستۋدەنتەردىڭ سانى دا سايكەس كەلمەيدى. ۇ ب ت نەمەسە كەشەندى تەستىلەۋدە ءبىر پاننەن 4 بالدان كەم جيناعان 270 ستۋدەنت زاڭسىز قابىلدانعان. 132 شىعارماشىلىق ەمتيحان حاتتامالارىنا باسقا بىرەۋلەردىڭ سۋرەتتەرى مەن سىزۋلارى سالىنعان. ديزاين ماماندىعى بويىنشا قازاقستان يننوۆاتسيالىق جانە تەلەكوممۋنيكاتسيالىق جۇيەلەر ۋنيۆەرسيتەتىنە قابىلدانعاندار كەيىن باسقا ماماندىققا اۋىسىپ وتىرعان.
ماسەلەن، 2013-2014- وقۋ جىلىنا ديزاين ماماندىعىنا 1458 ستۋدەنت قابىلدانسا، سودان ەكىنشى كۋرستا تەك 26-سى عانا قالىپ، وزگەلەرى اۋىسىپ كەتكەن. بيىل 1- كۋرسقا 2741 ستۋدەنت قابىلدانسا، سونىڭ 2617 ءسى باسقا ماماندىققا وقۋعا ءوتىنىش ءبىلدىرىپ وتىر. ديزاين ماماندىعى بويىنشا كۇندىزگى بولىمدە تۇراقتى جۇمىس جاسايتىندىقتان، ساباققا كەلمەيتىن 86 جاس «وقيدى». وقۋعا قابىلداۋعا ءوتىنىش بەرۋدىڭ مەرزىمى دە بۇزىلعان (99 فاكتى).
تەكسەرۋ قورىتىندىسىنا سايكەس، «باتىس قازاقستان ينجەنەرلىك-گۋمانيتارلىق ۋنيۆەرسيتەتى» مەكەمەسىندە ورىن العان زاڭ بۇزۋشىلىقتاردى جويۋ جونىندە ق ر ءبىلىم جانە عىلىم مينيسترلىگىنە ۇسىنىم بەرىلدى، سوعان سايكەس ليتسەنزيالاۋدىڭ ەرەجەلەرى مەن نورمالارىن بۇزعانى ءۇشىن اتالعان وقۋ ورنىنا ليتسەنزياسىن بەس اي مەرزىمگە توقتاتۋمەن بىرگە 45 ا ە ك، سونىمەن قاتار ءبىلىم بەرۋ مەكەمەسىنە قابىلداۋ جانە ج و و قىزمەتى ەرەجەلەرىن بۇزعانى ءۇشىن ليتسەنزياسىن بەس اي مەرزىمگە توقتاتۋمەن بىرگە 15 ا ە ك كولەمىندە ايىپپۇل سالىندى. وعان قوسا جەكە وقۋ ورنى باسشىلىعى اتىنا زاڭدىلىقتى جويۋ شارالارىن الۋ جانە كىنالى ادامداردى تارتىپتىك جاۋاپكەرشىلىككە تارتۋ جونىندە ۇسىنىم بەرىلدى. لاۋازىمدى قىزمەتكەرلەردىڭ قىزمەت بابىن زاڭسىز پايدالانۋ فاكتىلەرى بويىنشا قىلمىستىق ءىس تە تەكسەرىلۋدە.
اۆتور: ەلجان ەرالى
