ەلوردادا قوعامنىڭ سپورتقا قىزعۋشىلىعى ارتىپ كەلەدى

ءداستۇر بويىنشا، «الاۋ» مۇز ايدىنىندا بۇقارالىق كونكي تەبۋ دەمالىس جانە مەرەكە كۇندەرى وتكىزىلەدى. تاۋەلسىزدىك كۇنى، جاڭا جىل جانە ناۋرىز مەرەكەلەرى كەزىندەگى ۇزاق دەمالىس كۇندەرى كونكي تەبۋ مارافونعا ۇلاسادى. 2015-جىلدىڭ 2-11- قاڭتار ارالىعىندا دا مۇز ايدىنىنا جاپپاي كەلۋ بايقالعان.

ۇستىمىزدەگى جىلدىڭ العاشقى كۇندەرى ايدىنعا كەلگەندەر كوپ بولدى. 2- قاڭتاردا كونكي تەبۋگە 4800 ادام كەلسە، 3- قاڭتاردا كەلۋشىلەر سانى 5 مىڭنان استى. ينفراقۇرىلىمدى كەڭەيتۋدىڭ ارقاسىندا «الاۋ» مۇز ايدىنى كوپ ادامعا وڭاي قىزمەت كورسەتە الادى. قىسقى سپورت تۇرلەرىنىڭ كەڭىنەن تارالۋىنا بايلانىستى قولجەتىمدىلىك باعدارلاماسىن كەڭەيتۋ ءۇشىن مۇز ايدىنىنىڭ اكىمشىلىگى بۇقارالىق كونكي تەبۋگە ارنالعان كۇندەر سانىن ارتتىرۋدى قاراستىرىپ وتىر.

ەسكە سالا كەتەيىك، «الاۋ» مۇز ايدىنىنداعى بۇقارالىق كونكي تەبۋ الەۋمەتتىك جوبا بولىپ تابىلادى. بەس جاسقا دەيىنگى بالالار، زەينەتكەرلەر، 1-2 توپتاعى مۇگەدەكتەر ءۇشىن كىرۋ تەگىن. جۇما كۇندەرى ستۋدەنتتەرگە جەڭىلدىكتەر جاسالادى. تاڭەرتەڭ بالالار ەكى ساعاتقا 250 تەڭگە، ەرەسەكتەر 500 تەڭگە تولەيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى