استانادا شىنى-اينەكتەر جينايتىن كونتەينەرلەر قويىلادى

وسى رەتتە بۇگىن استانا قالاسى ەسىل اۋدانىنىڭ اكىمدىگىندە EXPO-2017 كورمەسىن ۇيىمداستىرۋ ديرەكسياسى، «ەفەس قازاقستان» كومپانياسى جانە «PosadiDerevo.kz» قوعامدىق بىرلەستىگى قاتىسقان ءۇشجاقتى مەموراندۋمعا قول قويىلدى.

قۇجات اينەك قالدىقتارىن جيناپ، ولاردى ەكىنشى مارتە وڭدەۋ جوباسىن ىسكە اسىرۋعا نەگىزدەلگەن. باستاماشىلار وسى رەتتە قالاداعى 20 تۇرعىن ءۇي كەشەندەرىنىڭ اۋلاسىنا سىنابى بار لامپالاردى جيناۋعا ارنالعان قوراپتارعا ۇقساس كونتەينەرلەر قويۋدى كوزدەپ وتىر.

جوبانىڭ قۇنى 20 ميلليون تەڭگەگە باعالانىپ وتىر، ونىڭ ىشىنە كونتەينەرلەر ساتىپ الۋ، تاسىمالداۋ قىزمەتىن تولەۋ جانە ۇگىت-ناسيحات جۇمىستارى كىرەدى.

جوبا اۆتورلارىنىڭ ايتۋىنشا، جوبانىڭ نەگىزگى بولىگى وسى باستامانى حالىققا جەتكىزۋ بولماق. وسى ورايدا اقپاراتتىق-ءتۇسىندىرۋ كامپانيالارى ۇيىمداستىرىلىپ، ۇيلەردىڭ كىرەبەرىستەرىنە، اۆتوبۋس ايالدامالارىنا، قوعامدىق كولىكتەرگە اقپاراتتىق ماتەريالدار ءىلىنىپ، تەليەۆيزيادان جارنامالار تاراتىلماق.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى