استانادا اسكەري پوليتسيا وتريادىنىڭ قىزمەتشىلەرى قىلمىستىڭ الدىن الدى
ق ر ق م رەجيم مەن قاۋىپسىزدىكتى قامتاماسىز ەتۋ جونىندەگى اسكەري پوليتسيا وتريادىنىڭ تاۋلىكتىك ناريادى جەلتوقساندا مەرەكە كۇندەرىنىڭ قارساڭىندا كەزەكشىلىك جاساعان بولاتىن. تاڭعى 04.20-لار شاماسىندا 4-پوستتىڭ ساقشىسى سەرجانت ب. بولات سىعاناق جانە اقمەشىت كوشەلەرىنىڭ قيىلىسىندا كاناليزاتسيالىق ليۋكتى اشقان كۇدىكتى ادامدى بايقايدى. ليۋككە تاعى ەكى ادام قارعىپ تۇسەدى.
ساقشى ىلە-شالا اعا لەيتەنانت ن. سۇلەيمەنوۆكە حابارلايدى. كەزەكشى وپەراتور - قاتارداعى جاۋىنگەر د. ءادىل باسقارىلاتىن كامەرا ارقىلى بەلگىسىز ادامداردىڭ قيمىلدارىن قاداعالاپ وتىرادى. قابىلدانعان شارالار مەن تاۋلىكتىك ناريادتىڭ ءىس-قيمىلى ناتيجەسىندە كۇدىكتى ادامدار قۇرىقتالىپ، قر ىشكى ىستەر مينيسترلىگىنىڭ قىزمەتكەرلەرىنە تابىستالدى.
ق ر ءى ءى م قىزمەتكەرلەرىنىڭ جۇرگىزگەن جەدەل- ىزدەستىرۋ شارالارى بارىسىندا ولاردىڭ تەحنيكالىق ۇڭگىجول ارقىلى تەلەكوممۋنيكاتسيانىڭ مىس كابەلدەرىن ۇرلاماق بولعانى انىقتالدى. قىراعىلىقتارى ءۇشىن اعا لەيتەنات ن. سۇلەيمەنوۆ، سەرجانت ب. بولات، اعا سەرجانت ر. ءنۇسىپجانوۆ جانە قاتارداعى جاۋىنگەر د. ادىلگە العىس جاريالاندى.
