قازاقستاندا كولىك باعاسى رەسەيمەن تەڭەسۋى مۇمكىن

Astana Group كومپانياسىنىڭ باسشىسى نۇرلان سماعۇلوۆتىڭ پىكىرىنشە، وتاندىق كولىك نارىعى وسى جىلدىڭ جارتىسىنا دەيىن رەسەي رۋبلى دەۆالۆاتسياسىنىڭ ىقپالىندا بولادى.

سوندىقتان، قازاقستاندىق اۆتوبيزنەسكە بۇل سىناققا توتەپ بەرۋ ءۇشىن ساتىپ الۋشىلارعا كورشى ەلدەگىمەن بىردەي جاعداي جاساۋ كەرەك.

بۇل ورايدا، سماعۇلوۆ قازىرگى ۋاقىتتا ەاەو اۆتونارىعىنداعى جاعدايدى تۇراقتاندىرۋ باعىتىندا جانە وداق اياسىندا كولىكتەردىڭ باعاسىن تەڭەستىرۋ بويىنشا Hyundai كومپانياسىمەن بىرگە جۇمىس جۇرگىزىلىپ جاتقانىن اتاپ ءوتتى.

ال رەسەيلىك اۆتوديلەرلەر باعانى ءبىرشاما وسىرگەن. دەسە دە، بۇدان كورشى ەلگە كولىك الماققا بارعان قازاقستاندىقتار قاتارى ازايار ەمەس. ويتكەنى رەسەيدەگى باعا قازاقستانداعى باعادان ءالى دە الدەقايدا ارزان بوپ تۇر.

«كولەسا» پورتالىنىڭ مالىمەتىنشە، رەسەيلىك نارىقتا Toyota كومپانياسىنىڭ بارلىق مودەلدەرى شامامەن 20 پايىزعا قىمباتتاعان. كورشى ەلدە كولىك سالوندارىندا قوزعالتقىش كولەمى 2,5 ليتر بولاتىن Camry سەداندارىنىڭ قۇنى 21620 دوللاردان باستالادى.

ال، قازاقستاندا ولاردىڭ ورتاشا باعاسى - 30800 دوللار. جاپون برەندتەرىمەن قاتار، اۆتوۆاز بەن ۋاز دا تاۋار قۇنىن ارتتىرعان. ەرتەڭنەن باستاپ، Lada اۆتوكولىكتەرىنىڭ باعاسى 9 پايىزعا وسەدى.

ەسكە سالا كەتەيىك، وسىعان دەيىن قازاقستاندا رەسەيدەن جانە بەلارۋستەن اكەلىنەتىن اۆتوكولىكتەردى قوسىلعان قۇن سالىعى الىپ تاستالعان تالاپ كاسىپكەرلىك ماقساتتى كوزدەمەيتىن جەكە تۇلعالارعا عانا قاتىستى ەكەنى حابارلانعان بولاتىن.

جاڭا تارتىپتەر 2015 - جىلى 1 - قاڭتاردان باستاپ ەۋرازيا ەكونوميكالىق وداعى مەن كەدەن وداعىنىڭ تەحنيكالىق رەگلامەنتىنىڭ «دوڭگەلەكتى كولىك قۇرالىنىڭ قاۋىپسىزدىگى تۋرالى» كەلىسىمشارتىمەن بىرگە ءبىر ۋاقىتتا كۇشىنە ەندى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى