ق ر ۇكىمەت باسشىسىنىڭ ورىنباسارى وتاندىق تەلەراديولارعا ءتىل زاڭناماسىنىڭ تالاپتارىن قاتاڭ ورىنداۋدى تالاپ ەتتى

وتىرىس بارىسىندا ق ر زاڭنامالارىن بۇزۋشىلىق، ونىڭ ىشىندە «قازاقستان رەسپۋبليكاسىنداعى تىلدەر تۋرالى» جانە «تەلەراديو حابارلارىن تاراتۋ تۋرالى» زاڭداردى بۇزۋشىلىق فاكتىلەرى ءسوز بولدى.

قازاقستان رەسپۋبليكاسىنىڭ تىلدەر تۋرالى زاڭىنا سايكەس مەملەكەتتىك تىلدەگى تەلەراديو باعدارلامالار باسقا تىلدەردەگى تەلەراديو باعدارلامالاردىڭ جيىنتىق كولەمىنەن كەم بولماۋى ءتيىس. ب. ساپاربايەۆ ايتۋى بويىنشا، مونيتورينگ بارىسىندا تەلەراديو كومپانيالارى تاراپىنان بۇل تالاپتاردى ساقتاماۋ فاكتىلەرى انىقتالعان، ياعني ولار بەلگىلەنگەن نورمالاردى بۇزعان بولىپ وتىر. پرەمەر-ءمينيستردىڭ ورىنباسارى تەلەراديوكومپانيادان ءتىل سالاسىنداعى ق ر زاڭناماسىنىڭ تالاپتارىن قاتاڭ ورىنداۋدى تالاپ ەتىپ، الداعى ۋاقىتتا مۇنداي بۇزۋشىلىققا جول بەرمەۋ قاجەتتىگىن ەسكەرتتى.

وسىعان بايلانىستى ۆيتسە-پرەمەر مەملەكەتتىك ورگاندارعا ءبىرقاتار ءتيىستى تاپسىرمالار بەردى. وتاندىڭ تەلەحابارداندىڭ كورسەتىلىمى مەملەكەتتىك تىلدە 50 پايىز، وزگە تىلدەردە 50 پايىز بەرىلۋ كەرەك. دەسە دە، قازاق ءتىلدى تەلەباعدارلامالاردىڭ كورسەتىلىمى 50 پايىزعا جەتپەيتىندىگى انىقتالىپ وتىر.

وتاندىق ارنالار كەيدە قۋلىققا سالىنىپ، قازاق ءتىلدى حابارلاردى تەك تۇنگى ۋاقىتتاردا بەرىپ، بەكىتىلگەن 50 پايىزدىڭ ورىنىن تولتىراتىن بولعان. وسىنى اڭعارعان ۇكىمەت باسشىسىنىڭ ورىنباسارى وتاندىق ارنالارعا تالاپتى كۇشەيتۋدى قولعا الۋعا كىرىستى. بۇل تاقىرىپ وسىنىڭ الدىندا دا ۇكىمەت وتىرىسىندا ءسوز بولعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى