اياكوز اۋدانىندا ايەل كۇيەۋىن قاسقىردان قۇتقارىپ قالدى

زارداپ شەككەندەردىڭ ءبىرىنىڭ جۇبايى جىرتقىشقا پىشاق سالىپ، ەرىن قۇتقارىپ قالدى.

قۇتقارۋشىلاردىڭ دەرەكتەرىنە سۇيەنسەك، جىرتقىش جەلدىقارا ۋچاسكەسىندە تاڭەرتەڭ ەرتە جەرگىلىكتى تۇرعىنداردىڭ بىرىنە باس سالىپ، ونى تالاي باستايدى.

ارتىنشا ول جاقىنداپ قالعان ەكىنشى ادامدى بايقاپ قالىپ، وعان قارسى ۇمتىلادى، دەپ حابارلادى YK-news.kz.

«تۇرعىن ىزالى جىرتقىشتان قاشىپ، ۇيىنە كىرىپ كەتۋگە تىرىسقان، الايدا كىرەبەرىستە قاسقىر ونى قۋىپ جەتىپ، ونى باس سالعان، - دەيدى قوستى اياكوز اۋداندىق توتەنشە جاعدايلار بولىمىنەن. - ءۇي يەسى ەرىنىڭ ايعايلاعان داۋىسىن ەستىپ، اسحانا پىشاعىن الا شىعىپ، كومەككە ۇمتىلادى. ول جىرتقىشتى قۋىپ جەتىپ، پىشاقپەن جارىپ ءولتىردى».

زارداپ شەككەندەر ورتالىق اۋداندىق اۋرۋحاناعا جەتكىزىلدى. ەر ادامعا قۇتىرماعا قارسى ۆاكسينا ەگىلدى. ولاردىڭ ومىرىنە ەش قاۋىپ جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى