كوپ ۋاقىت جۇمىس ىستەيتىن ادام ماسكۇنەم بولىپ كەتۋى مۇمكىن
عالىمدار زەرتتەۋ ناتيجەسىن British Medical Journal جۋرنالىندا جاريالادى.
عالىمدار جالپى 14 ەلدەن، ونىڭ ىشىندە ا ق ش، ۇلى بريتانيا، اۆستراليا جانە گەرمانيادان 330 مىڭ ادامدى زەرتتەپ، 61 عىلىمي جۇمىستى بىرىكتىرىپ وتىر. زەرتتەۋدىڭ ناتيجەسىندە جۇمىس ۋاقىتىنىڭ ۇزارۋى ادامدى كۇيزەلىسكە، ۇيقىسىزدىققا شالدىقتىراتىنى انىقتالدى. عالىمداردىڭ ايتۋىنشا، بۇدان شىعاتىن ءبىر عانا جول بار - ىشىمدىك.
ەۋروپا وداعىندا اپتاسىنا 40 ساعات جۇمىس ۋاقىتى قالىپتى سانالادى. ەگەر جۇمىس اپتاسى 48 ساعاتقا جەتسە، وندا ىشىمدىككە سالىنۋ قاۋپى 11 پايىزعا جوعارىلايدى. ال 49-54 ساعاتتان اسىپ تۇسسە ىشىمدىككە تاۋەلدى بولۋ قاۋپى 13 پايىزعا وسەدى.
مۇنداي جاعداي، عالىمداردىڭ پىكىرىنشە، كوبىندە ايەلدەرگە قاراعاندا ەر ادامداردا بايقالادى. سونىمەن قاتار، عالىمدار بۇل قورىتىندىنىڭ ادامداردىڭ گەوگرافياسىنا، الەۋمەتتىك جانە ەكونوميكالىق ستاتۋسىنا بايلانىستى ەمەستىگىن ايتادى. مۇنىمەن قاتار، كوپ ۋاقىت بويى جۇمىس ستولىنان كەتپەيتىندەردىڭ اراسىندا ىشىمدىككە سالىنعانداردىڭ شىن مانىندەگى كورسەتكىشى وتە جوعارى ەكەن. سەبەبى عالىمدار بۇل زەرتتەۋدى ادامداردان ەرىكتى تۇردە الىنعان ساۋالنامالار ارقىلى جاسالعانىن، ال ادامنىڭ سۇراققا جاۋاپ بەرگەندە ءوزى تۋرالى مالىمەتتى ءسال «جۇمسارتىپ» ايتاتىنىنان دەپ وتىر.
