ىسكەر بيكەشتىڭ سىرت كورىنىسى
سول سەبەپتى بۇگىن ءبىز ىسكەر بيكەشتەردىڭ سىرت كورىنىسى تۋرالى ءسوز قوزعاماقپىز.
درەسس كود-ىسكەر ايەل زاتىنىڭ ەڭ باستى اتريبۋتى. ءبىرىڭعاي تەگىس، قىمبات، تىعىز ماتادان تىگىلگەن كلاسسيكالىق ۇلگىدەگى كوستيۋمنىڭ (جاكەت- بەلدەمشە، جاكەت- شالبار- جيلەت، جاكەت- كويلەك) كەمىندە ءتورت-بەسەۋى بولعانى ابزال. ءارى ولار ءپىشىم، ءتۇس جانە فاكتۋراسىمەن ءوزارا ۇيلەسىم تابۋى قاجەت.
زەرگەرلىك بۇيىمدار. زەرگەرلىك بۇيىمدار بيكەشتىڭ الەۋمەتتىك جاعدايىنان حابار بەرەدى. قۇدايعا شۇكىر، ءبىزدىڭ قىزدارىمىز، اپا، انالارىمىز قىمبات اشەكەيدەن كەندە ەمەس. الايدا كۇندەلىكتى جۇمىستى بىلاي قويعاندا ىسكەرلىك كەزدەسۋلەر مەن شارالارعا ىسكەرلىك ەتيكەت بويىنشا زەرگەرلىك بۇيىمداردى تاعۋدىڭ ءوز قاعيدالارى بار. جارق-جۇرق ەتكىزىپ، ۇيىندەگى باردى تاعىپ كەلۋ «مىنە، مەنىڭ وسىنداي اشەكەيلەرىم» كوپ دەپ ماقتاناتىن بالاباقشا بۇلدىرشىندەرىن ەلەستەتۋى مۇمكىن. مىسالى، ەكىنىڭ ءبىرىنىڭ قولى جەتە بەرمەيتىن وتە قىمبات تۇراتىن گاۋھار ساقينا نە سىرعانىڭ ەڭ كىشكەنەسىن تاعۋ - تالعامى وتە جوعارى، ناعىز ىسكەر ايەلدىڭ عانا قولىنان كەلەدى. كوكو شانەل ۇيدەن شىعاردا ايناعا قاراپ، اشەكەي بۇيىمدارىنىڭ بىرەۋىن شەشىپ، قالدىرىپ كەتكەندى ءجون ساناعان ەكەن.
تالعامعا تالاس جوق. دەگەنمەن ورتا جاستاعى ايەلدەرگە كوبىنە التىن ساعات، ال جاس ىسكەر حانىمدارعا كۇمىس ساعات تاققان جاراسىمدى.
سومكە. قازىرگى زاماندا سومكەسىز جۇرەتىن ايەل جوق. بۇل قاجەتتىلىك. بىلعارىدان جاسالعان سومكە دە ايەل زاتىنىڭ دەڭگەيىن كورسەتەدى. سوندىقتان ونى تاڭداۋعا ۇلكەن جاۋاپكەرشىلىكپەن قاراۋ كەرەك. كەيبىر اپكەلەرىمىز قاعازدارى سىيماعاندىقتان، سومكەمەن قوسىپ، ۇنەمى پاكەت ۇستاپ جۇرەدى. كەشكى ىسكەرلىك كەزدەسۋلەرگە ۇستايتىن كىشىگىرىم كلاتچتىڭ ەكى-ءۇش ءتۇرى ءاربىر ىسكەر بيكەشتە بولعانى ءجون.
باس كيىم. ىسكەر بيكەشتەردىڭ باس كيىمى - بەرەت.
جاس قىزداردىڭ كوبى ساندەلگەن شاش ۇلگىسىن بۇزباس ءۇشىن قىستا جالاڭباس جۇرگەندى قالايدى. الايدا باسىڭىزعا سۋىق تيگىزىپ، اۋىرىپ قالۋ قاۋپى ءوز الدىنا، سالقىن تەمپەراتۋرا شاشقا دا اسەر ەتەدى.
اياق كيىم. اياقتى كلاسسيكالىق ۇلگىدە ادەمى ەتىپ كورسەتەتىن بىلعارى ەتىك كەز كەلگەن پىشىندەگى ارۋعا جاراسادى. دەي تۇرعانمەن قاقاعان ايازدا كۇدەرى ەتىكتەر، ۋگگي، كيىزدەن تىگىلگەن ەتىكتەردى جۇمىسقا كيىپ كەلىپ، تۋفليمەن الماستىرعانىڭىز دۇرىسىراق بولار ەدى.
massaget.kz
