عالامتوردا جاريالانعان ءولىم جازاسى كورسەتىلگەن بەينە جازباداعى ادامدار قازاقستاندىقتار ەمەس - ۇلتتىق قاۋىپسىزدىك كوميتەتى
«ۇلتتىق قاۋىپسىزدىك كوميتەتى قازاقستاندىق ارنايى قىزمەت اگەنتتەرى دەلىنگەن ەكى ەر ادامدى جازالاۋ كورىنىسى بەينەلەنگەن بەينەروليكتىڭ عالامتورعا ورنالاستىرىلۋ فاكتىسى بويىنشا ءتيىستى تەكسەرۋ شارالارىن وتكىزدى. روليكتە كورسەتىلگەن تۇلعالار قازاقستان رەسپۋبليكاسىنىڭ ازاماتتارى ەمەس ەكەندىگى ناقتى انىقتالدى»، - دەلىنگەن حابارلامادا.
ۇ ق ك باسپا ءسوز قىزمەتى قىلمىستىق كودەكستىك 274- بابىنا سايكەس قوعامدىق ءتارتىپتى بۇزۋ قاۋپىن تۋعىزاتىن نەمەسە ازاماتتاردىڭ نەمەسە ۇيىمداردىڭ زاڭدى مۇددەلەرى مەن قۇقىقتارىنا زيان كەلتىرەتىن نەمەسە قوعام نە مەملەكەتتىڭ زاڭدى قورعالاتىن مۇددەلەرىنىڭ بۇزىلۋ قاۋپىن تۋدىراتىن جالعان اقپارات تاراتقانى ءۇشىن 1 مىڭ ايلىق ەسەپتىك كورسەتكىشكە دەيىنگى كولەمدەگى ايىپپۇل سالۋ، ءبىر جىلعا دەيىنگى مەرزىمگە تۇزەۋ جۇمىستارىنا تارتۋ نەمەسە ءبىر جىلعا دەيىنگى مەرزىمگە باس بوستاندىعىن شەكتەۋ، نە وسى مەرزىمگە دەيىن بوستاندىعىنان ايىرۋ جازاسى قولدانىلاتىنىن ەسكە سالدى.
«وتاندىق ب ا ق- تاردان بەيرەسمي شەتەلدىك اقپارات كوزدەرىنەن ماتەريالداردى الىپ جاريالاۋدا جاۋاپكەرشىلىك تانىتۋلارىن سۇرايمىز»، - دەلىنگەن حابارلامادا.
