ب ۇ ۇ: قازاقستان ەكونوميكالىق تۇراقتىلىقتى ساقتاپ، حالىقتىڭ ءال- اۋقاتىن جاقسارتۋعا باعىتتالعان باعدارلاماسىن قالىپتاستىردى
بۇل - ەلباسىنىڭ جولداۋىنا بايلانىستى نيۋ- يوركتەگى بىرىككەن ۇلتتار ۇيىمى شتاب- پاتەرىندە بەرىلگەن باعا. ءتىپتى ۇيىم باسشىسى پان گي مۋننىڭ ءوزى باس اسسامبلەياداعى بايانداماسىندا ەلىمىزدىڭ ءوسىپ- وركەندەۋ باعدارلاماسىندا بار باعىتتاردى تىلگە تيەك ەتتى.
البەتتە، ب ۇ ۇ شتاب- پاتەرىنىڭ ساراپشىلارى بەلگىلى ءبىر ەلدەگى جولداۋدى نەمەسە ۇلتتىق جوبانى اشىقتان- اشىق تالقىلاي المايدى. ولار قازاقستاننان باسقا ۇيىمعا مۇشە 192 ەلدى دە نەگىزگە الا وتىرىپ، جالپى دامۋدىڭ باعىت- باعدارىن ايقىنداپ وتىرادى. الايدا، ەلباسىنىڭ «نۇرلى جول - بولاشاققا باستار جول» اتتى جولداۋى مۇنداعىلاردى بەي- جاي قالدىرعان جوق. ويتكەنى ونداعى ەكونوميكالىق جانە الەۋمەتتىك الەۋەتتى جاقسارتۋعا ارنالعان باعدارلامالار الپاۋىت ۇيىم قۇجاتىنا ساي اتالعان ماقساتتارعا جەتۋدىڭ مۇمكىندىكتەرىن ۇسىنادى. بۇل جونىندە قازاقستانىڭ ب ۇ ۇ- نىڭ نيۋ- يوركتەگى تۇراقتى ۇكىمەتىنە جولداعان حاتتارىندا حالىقارالىق ۇيىم جەتەكشىلەرى جازعان بولاتىن.
اسىرەسە، باس حاتشىنىڭ ورىنباسارى ۋ حونبو: «نۇرلى جول» باتىل قادامداردى جوسپارلاۋمەن قاتار، ونى جۇزەگە اسىرۋ جولدارىن جان- جاقتى زەردەلەپ، قازىر ب ۇ ۇ- نا مۇشە مەملەكەتتەر تالقىلاپ جاتقان 2015 - جىلدان كەيىنگى دامۋ كەزەڭىنىڭ كۇن ءتارتىبىن قاراستىرادى» ، - دەپ اتاپ وتكەن ەدى. ۇيىمداعى باسقا جەتەكشىلەردىڭ دە پىكىرلەرى دە وسىعان سايادى. «نۇرلى جول» جولداۋىنداعى باعىت- باعدارلار تەك قانا ءبىر ەلدىڭ عانا ەمەس، بۇكىل الەمدىڭ دامۋىنا مۇمكىندىك بەرەتىن قۇجاتتار قاتارىنا جاتادى. سوندىقتان حالىقارالىق ۇيىمداردىڭ ودان ۇيرەنەرى كوپ دەپ ويلايمىن. جەلتوقسان ايىندا بىرىككەن ۇلتتار ۇيىمىنىڭ باسشىسى پان گي مۋن باس اسسامبلەيادا «2030 - لايىقتى ومىرگە باستار جول» اتتى بايانداماسىن وقىعان. ونداعى نەگىزگى ماقساتتار مەن تاپسىرمالار «نۇرلى جولمەن» دالمە- ءدال ۇيلەسىپ تۇر»، - دەيدى بۇۇ باس حاتشىسىنىڭ ءبىرىنشى ورىنباسارى يان ەلياسسون.
ال ۇيىم باسشىسىنىڭ كومەكشىسى ءارى دامۋ باعدارلاماسىنىڭ وڭىرلىك ديرەكتورى دجەيحان سۋلتانوگلۋ جولداۋدىڭ دەر كەزىندە جاريالانعانىن ريزالىقپەن اتاپ وتكەن. دامۋ باعدارلاماسىنىڭ جەتەكشىلەرى وڭىرلىك حاب جۇمىسىنا قاتىسۋعا دايىن ەكەندىكتەرىن ءبىلدىرىپ، ەسەپ بەرۋ مەن مونيتورينگ تەتىكتەرىن قۇرۋعا قولداۋ كورسەتۋمەن قاتار، تەحنيكالىق كومەك كورسەتۋگە ءازىر وتىر. ەندى ۇستىمىزدەگى جىلى بىرىككەن ۇلتتار ۇيىمىنىڭ ءارتۇرلى جيىندارىندا «نۇرلى جول» باعدارلاماسىنىڭ باسىم باعىتتارى جەكە- جەكە قارالماق. ءسويتىپ، قۇندى قۇجاتقا قۇرمەتپەن قاراعان الەمدىك قۇرىلىم «جاقسىدان ۇيرەن» دەگەن قازاقي قاعيدانى ۇستانىپ وتىر، دەپ حابارلايدى 24.kz.
